- Bizdiń aýdanda tarıhı týrızm, ekotýrızm, agrotýrızm jáne kıeli mekenderdi aralaý sekildi baǵyttar damytylatyn bolady. Ol úshin Mádenıet jáne sport mınıstrligi 718 mln teńge bólgen bolatyn, bul qarajat sapar ortalyǵynyń qurylysyna jumsalady. Qazirgi tańda merdiger kompanııa anyqtalyp, memlekettik satyp alýlar boıynsha barlyq prosedýralar ótkizildi. Ortalyq qurylysy kelesi jyldyń kókteminde bastalady, - deıdi Ánýar Omar.
Ulytaý aýdany ákimdiginiń resmı saıtynyń málimetinshe, Jezkıik jáne Kókmaısa etnofestıvalderin ótkizý Ulytaý aýdanyna keletin týrıster aǵymyn ulǵaıtqan. Eger 2017 jyly Ulytaýda shamamen 11 myń týrıst bolyp qaıtsa, 2018 jyly bul kórsetkish 25 000-ǵa ósken.
- Aýdanymyzǵa týrısterdiń qyzyǵýshylyǵy artyp kele jatqanyn baıqap otyrmyz. Osyǵan oraı, aýqymdy jumystar ótkizýdi josparlaýdamyz. Osylaısha, sapar ortalyǵynyń mańynda etnoaýyl salýdy kózdep otyrmyz. Atalmysh jobany júzege asyrý úshin oblystyq Kásipkerlik basqarmasymen birlese otyryp, etnoaýyl qurylysyna 150 mln teńge salýǵa daıyn ınvestorlardy izdestirip jatyrmyz. Sondaı-aq kelesi jyly kıeli oryndarǵa baratyn joldar da jóndeledi. Oblystyq bıýdjetten Sarlyq aýylyna deıin baratyn 40 shaqyrym joldy jóndeýge 636 mln teńge bólindi. Dál osy aýyldyń janynda eki iri týrıstik nysandar – Han ordasy men Altyn shoqy ornalasqan, - deıdi Ánýar Omar.
Ulytaý aýdanynyń ákimi sonymen qatar týrıster úshin qyzmet kórsetý sapasy qalaı jaqsartylatyny týraly aıtty.
- Bizde qonaq úıler joq, sondyqtan biz bul problemany basqasha sheshý joldaryn qarastyryp jatyrmyz. Mysaly, Ulytaý aýylynda turǵyndar óz úılerinen týrısterge 29 bólme bólýge daıyn ekenderin jetkizdi. Amankeldi kentinde – 12 bólme. Mádenı nysandar ornalasqan aýyldar men aýyldyq okrýgterdiń barlyǵynda biz turǵyndarmen kelissózder júrgizip, týrısterge jatyn oryndaryn bólý máselesin sheshýdemiz. Sonymen qatar qonaq úıler salatyn ınvestorlardy jumyldyrý ádisterin qarastyryp jatyrmyz, - dep málimdedi Ánýar Omar.
