Bilim • 04 Qańtar, 2019

Basty maqsat – zaman talabyna saı mamandar daıarlaý

328 retkórsetildi

Elbasy N.Á.Nazarbaev 2018 jylǵy 5 qazandaǵy Qazaqstan halqyna arnaǵan Joldaýynda: «...memlekettiń tabysqa jetýiniń kepili eldiń basty baılyǵy – adamnyń damý máselesi bolyp otyr... Qazaqstandyqtardyń ál-aýqatynyń ósýi basty basymdyqqa aınalýy tıis», dep atap ótti. Shynymen de, adam resýrsynyń damý deńgeıi, jan dúnıesiniń rýhanı baılyǵy bilim sapasymen ólshenetini belgili. Búginde otandyq bilim júıesi ashyqtyq jaǵdaıynda ǵana óziniń eń joǵary sapasyna qol jetkize alady. 

Halyq­­aralyq ǵylym-bilim qaýym­das­tyǵyna tolyqqandy múshe bolý baǵytynda elimizdiń Aral óńiri men ońtústik-batys aımaǵyndaǵy birden-bir irgeli joǵary oqý orny – Qorqyt Ata atyndaǵy Qyzylorda memlekettik ýnıversıteti úlken nátıjelerge qol jetkizip keledi. Bul turǵyda Ýnı­ver­sıtetterdiń uly hartııasyna qol qoıý, Bolon prosesine qosylý, kredıttik oqytý tehnologııasyn engizý, akademııalyq utqyrlyq baǵdarlamalaryn iske asyrý, sheteldik jetekshi ǵalymdardy shaqyrý, joǵary oqý oryndarynyń avtonomııasy qaǵıdasyn qabyldaý, ǵylymı jáne akademııalyq etıkany múltiksiz saqtaý, ulttyq jáne álemdik reıtıngterge belsendi qatysý jumystaryn aıtsaq ta jetkilikti. 

Joǵary oqý oryndarynyń reı­tıng­teri – bul bilim berý prosesin ba­ǵa­laý­dyń álemde moıyndalǵan tetik­te­ri­niń biri. Búginde talapkerler, jumys berý­shiler, ınvestorlar, tipti memleket úshin qaı bilim ordasynyń da tartym­dy­ly­ǵy álemdik nemese ulttyq reıtıngte oryndardy ıelený deńgeıine sáıkes aıqyndalady. Reıtıngter nátı­je­leriniń memlekettik jáne basqa granttar­dy taǵaıyndaý konkýrstarynda eskeriletinin de aıtýymyz kerek.

Elimizdegi bilim berý jáne ǵylym salasyndaǵy reformalar aıasynda at­qaryl­ǵan qyzmet nátıjelerin taldaý, túptep kelgende, óziniń básekege qabilet­tiligin júıeli dáleldep otyrýy maq­satynda ýnıversıtet ın­stıt­ý­sıo­nal­dyq jáne bilim berý baǵdar­la­ma­lary deń­geıin­de halyq­ara­lyq jáne ulttyq reıtıngterge turaqty qa­tysyp keledi. 

Brıtandyq reıtıng agenttigi ót­kiz­gen Shyǵys Eýropa men Ortalyq Azııa ýnıversıtetteriniń arasynda QS University Rankings: Emerging Europe and Central Asia (QS EECA) halyq­aralyq reıtınginde Qorqyt Ata atyn­da­ǵy ýnıversıtet eki ret qatarynan Shyǵys Eýropa men Ortalyq Azııa elderi ýnıversıtetteriniń Úzdik 300-ine endi. Osylaısha, dúnıe júziniń 26 memleketiniń (onyń ishinde Reseıden – 87, Túrkııadan – 46) joǵary oqý orny qatysqan halyqaralyq reıtıngte eli­miz­diń ál-Farabı atyndaǵy QazUÝ, L.N.Gýmılev atyndaǵy EUÝ, Q.Sátbaev atyn­daǵy QazUTZÝ, QBTÝ, Qazaq ult­tyq agrarlyq ýnıversıteti sııaqty je­tek­shi oqý oryndarymen birge úzdikter qa­tarynan kórinip, álemdik deńgeıde tanylýy, sóz joq, úlken mártebe.

Osy reıtıng barysynda ýnı­ver­sıtettiń akademııalyq saıasaty, jumys berý­shiler aldyndaǵy bedeli, jańa mazmundaǵy ǵylymı-pedagogıkalyq ále­ýeti, ǵylym-bilim salasyndaǵy halyq­aralyq baılanys deńgeıi, oqy­tý­shy­lar men stýdentterdiń akademııalyq utqyrlyǵy syndy negizgi kórsetkishter sara­lan­dy. Sondaı-aq bilim berý qyzmeti, ıaǵnı úıretý, sabaq berý, zertteý, túlekterdi eńbekke ornalastyrý, ınternasıonaldandyrý, materıaldyq-tehnıkalyq baza, qashyqtyqtan oqytý, áleýmettik jaýapkershilik, jańashyldyq, óner jáne mádenıet, ashyqtyq, daıar­lan­ǵan mamanǵa naryqtaǵy suranys krıterııleri boıynsha baǵalandy.

Brıtandyq reıtıng agenttiginiń sarapshylary ýnıversıtettiń sapa­lyq kórsetkishteri aıtar­lyq­taı jo­ǵary­­­­laǵa­nyn, bilim baǵdar­la­malarynyń sapasy jaqsaryp, olar­dyń halyqaralyq stan­darttarǵa saı ıntegrasııalanǵanyn, bir­lesken ǵy­lymı-zertteý jumystaryn bel­­sen­di júrgizetinin, suranysqa ıe ın­­no­vasııalyq jobalardy iske asyraty­nyn, óndiris pen eńbek naryǵynyń sur­a­nysyna jaýap beretin jańa tehnologııa­lardy jasaıtynyn atap kórsetti. 

Bul – aıtýǵa ońaı kóringenimen, iske asyrýǵa kez kelgen joǵary oqý or­ny­­nyń áleýeti jete bermeıtin is. Osy tusta ýnıversıtet basshy­lyǵy men ujymynyń qarymdy qabiletiniń, qajyrly eńbeginiń, qalyptasqan dástúr men berekeli birliktiń nátıjesi aıqyn kórinip tur. 

Qazirgi kúni ýnıversıtet qury­ly­mynda 7 fakýltet, 30 kafedra, aq­parat­tyq modeldendirý tehnologııalary ortalyǵy bar, bilim berý qyzmetin 18 ǵylym doktory, 25 PhD doktory, 203 ǵylym kandıdaty, 181 ǵylym magıstri jáne basqa da tájirıbeli oqytýshylar júrgi­zedi. Aımaqtaǵy bir­den-bir kóp­sa­la­ly memlekettik jo­ǵa­ry oqý ornyn­da bakalavrıattyń 64 mamandyǵy, ma­gıs­tra­týranyń 30 ma­man­dyǵy, PhD dok­to­rantýranyń 9 mamandyǵy boıyn­sha mamandar daıarlanady. Qazir barlyǵy 5042 (bakalavrıatta – 4597, magıstratýrada – 402, doktoran­týrada – 43) bilim alýshy oqıdy. Bilim berý, munaı-gaz isi, qurylys, elektr energetıkasy, aýyl sharýashylyǵy jáne aımaq ekonomıkasynyń ózge de salalaryn qa­jet­ti mamandarmen qamtamasyz etý maq­sa­tyn­da memlekettik bilim granttary negi­zinde 876, sonymen qatar Qyzylorda ob­ly­synyń ákimi jyl saıyn bóletin bilim granttary boıynsha 369 stýdent tabys­ty bilim alýda. О́ńirdiń qajet­tilikteri men suranystaryna ja­ýap retinde 2017-2018 oqý jyly ba­ka­lav­rı­attyń 5V012500 − hımııa-bıologııa, 5V012700 − matematıka-ınformatıka, 5V012800 − fızıka-ınformatıka, 5V090200 − týrızm mamandyqtary jáne magıstratýranyń 6M050900 – qarjy mamandyǵy boıynsha bilim berý qyz­me­tin júrgizýge lısenzııa alyndy.

Joǵary oqý ornynyń damý strategııa­syn­da kózdelgen kóptegen min­det­tiń júzege asýy bilim alýshylar kon­tın­gentine tikeleı baılanysty. Na­ryq­tyń qatań da ádil talaby – osy. Sol sebepten de bilim alýshylar sanyn kóbeıtý birinshi kezekke qoıylǵan. Bul baǵytta da aýyz toltyryp aıtar jetistikter az emes. Byltyrǵy oqý jylymen salystyrǵanda 2018-2019 oqý jylynda joǵary jáne joǵary oqý ornynan keıingi bilim berý baǵdarlamalary boıynsha 945 bilim alýshy artyq qabyldandy. 

Júıeli júrgiziletin túrli deńgeıdegi reı­tıngterge daıyndalý úderisine professorlyq-oqytýshylar quramy men qyzmetkerlerdiń eńbegin baǵalaý júıesi oń yqpalyn tıgizýde. Mysaly, oqytýshy-professorlar quramynyń kásibı qyzmetin baǵalaý jáne kóter­me­leý maq­satynda ýnıversıtette 2012 jyldan bastap jylda «Úzdik oqy­tý­shy» konkýrsy ótkiziledi, onyń qory­tyn­dy­lary boıynsha Úzdik 100-ge engen oqy­tý­shylarǵa kelesi oqý jyly boıyna negizgi qyzmettik jalaqylaryna qosa úste­meaqy tólenedi, al alǵashqy úzdik bestikke «Qorqyt Ata atyndaǵy QMÝ Úzdik oqytýshysy» tósbelgisi tabystalady. 2017-2018 oqý jylynda reıtıngke 401 oqytýshy qatysty.

Ýnıversıtette 2014 jyldan beri kóptildi toptarda sabaq beretin oqy­tý­shy­lar IELTS halyqaralyq emtıhanyn tapsyrady jáne onyń nátıjeleri boıyn­sha eńbekaqylaryna qosymsha ústem­e­aqy alýda. Qazirgi kúni atalǵan halyq­aralyq emtıhandy tapsyrǵan oqyt­ýshylar sany 99-ǵa jetti. 

Bilim berý sapasyn qamtamasyz etý jó­­nin­­degi táýel­siz agenttiktiń Ak­­kredıt­­teý keń­es­iniń sheshimimen (IQAA) Qorqyt Ata atyn­daǵy ýnıversıtet 5 jyl merzimge ak­kredıtteldi (03.01.2018 j.-03.01.2023 j.). Sondaı-aq 80 bilim baǵdarlamasy, onyń ishinde 47 baka­lavrıat, 26 magıstratýra jáne 7 PhD doktorantýra mamandyqtarynyń akkredıttelý týraly kýáligi bar. 

Atal­ǵan agenttik júrgizgen kóp­sa­la­ly joǵary oqý oryndary arasyndaǵy ulttyq ınstıtýsıonaldyq reıtıngte Qorqyt Ata atyndaǵy ýnıversıtet kórsetkishteri jyldan-jylǵa ósip, sońǵy eki jylda alǵashqy ondyqqa berik ornyqty (2015 jyly – 13 oryn, 2016 jyly – 10 oryn, 2017 jáne 2018 jyly – 9 oryn).

Bilim jáne ǵylym salasyndaǵy joǵary jetistikteri, elimizdiń bilim berý júıesi men ekonomıkalyq áleýetin damytýǵa qosqan úlesi, oqytýshy-pro­fes­­sorlar jáne stýdentter ujymynyń bıik kásibı tabystary úshin Qorqyt Ata atyndaǵy ýnıversıtet Eýrazııa ekono­mı­kalyq odaǵynyń «Prıznanıe» halyq­ara­lyq syılyǵymen marapattaldy. 

Ýnıversıtet 2014 jyldan Ak­kredıt­­teý jáne reıtıng táýelsiz agent­­tigi júrgizetin elimiz joǵary oqý oryn­da­ry­nyń suranysqa ıeligin anyqtaýǵa ba­ǵyt­talǵan Ulttyq reı­tıng­isine qatysyp keledi. Reıtıng kósh­bas­shy­larynyń úsh­tigine baka­lav­rıattyń – bastapqy ás­kerı daıyndyq; bıologııa; qurylys; qurylys materıaldary, buıymdary men qurastyrmalary óndirisi; bıologııa; magıstratýranyń – bıo­logııa; tarıh; qazaq tili jáne ádebıeti; dok­torantýranyń – qurylys materıaldary, buıymdary men qurastyrmalary ón­dirisi sııaqty bilim baǵdarlamalary enedi.

Elbasymyzdyń 2018 jylǵy Jol­daý­ynda joǵary bilim berý isinde oqý oryndarynyń maman daıarlaý sapasyna qatysty talaptar kúsheıtiletinin qadap aıtqany belgili. Budan bylaı oqý bitirgen stýdentterdiń jumyspen qamtylýy joǵary oqý ornynyń básekege qabilet­tiligin aıqyndaıtyn basty kór­set­kishi bolmaq.

Bolashaq mamandardy eńbek nary­ǵyna daıarlaý sapasyn arttyrý maq­sa­tynda Qorqyt Ata atyndaǵy QMÝ 2015-2016 oqý jylynan bastap naqty-baǵ­darlyq oqytý júıesin kezeń-kezeń­men engizý jáne óndiriste kafedra fı­lıal­daryn ashý prosesin qolǵa aldy. Qazirgi kezde ýnıversıtet kafed­ra­lary men óndiris oryndarynyń yntymaqtastyǵy negizinde 41 fılıal ashyl­dy. Mamandardy naqty-baǵdarlyq daıarlaý ýnıversıtet túlekteriniń eńbek naryǵyna enýin jáne olardyń kásibı quzyretteriniń sapalyq ósýin qamtamasyz etýde. Túlekterdiń eńbekke ornalasý kórsetkishi 2013-2018 jyldar aralyǵynda sáıkesinshe 71%-dan 85%-ǵa deıin ósýi – atqarylǵan jumystyń jarqyn kórinisi.

Sońǵy úsh jylda stýdentterdiń kásibı shyńdalýyn qamtamasyz etetin ká­sip­­tik is-tájirıbe bazasynyń sany eki ese ósti. Kásiptik is-tájirıbeler Nazarbaev zııatkerlik mektebi, №9, №10 «Bilim-ınnovasııa» oblystyq lı­seı-ınternattar, jalpy bilim berý mektepteri, oblystyq balalar saý­yq­ty­rý ortalyǵy, korreksııalyq mektep­­ter, jasóspirimderge arnalǵan maman­dan­dyrylǵan jasóspirimder sport mek­tep­teri, kolledjder, balabaqshalar, elimizdiń birqatar iri ónerkásiptik kásiporyndary: «Kentaý transformator zaýyty», «Aqtóbe munaı jabdyqtary zaýyty» AQ, «Kaspıı qubyrjelilik konsorsıýmy-K» AQ, «PetroQazaqstanQumkólResorsız» AQ, «QazQaıtaJańartý» Qyzylorda fı­lıaly, «NÝR Stroı LTD» JShS, Qyzylorda mehanıkalyq «Kvant» zaýyty jáne t.b. uıymdar men mekemelerde uıymdastyrylyp ótkiziledi.

Úsh tilde bilim berýdi damytýdyń 2015-2020 jyldarǵa arnalǵan Jol kar­ta­syn iske asyrý aıasynda qazirgi tańda 16 bilim baǵdarlamalary bo­ıynsha úsh tilde mamandar daıarlanýda. Stý­dent­terdiń eleýli bóligi aýyldyq sanatqa jatady, olardyń tilderdi ıgerý deńgeıi de ártúrli. Osyǵan oraı, 2017-2018 oqý jylynda stýdentterdi aǵylshyn, orys tilderine úzdiksiz oqytý jáne memlekettik tildi bilýin jetildirý tujyrymdamasy qabyldandy. Sondaı-aq Sh.Esenov atyndaǵy ǵylym-bilim qorymen kelisimshart negizinde 44 oqytýshy men 90 stýdent aǵylshyn tilin qarqyndy oqytý kýrstarynda bilimderin jetildirýde.

Bilim sapasyn arttyrý maqsatynda halyqaralyq yntymaqtastyq aıasyn keńeıtý – bilim berý qyzmetiniń basym baǵyttarynyń biri. Osy salada 50-den astam otandyq jáne AQSh, Aýstrııa, Túrkııa, Polsha, Koreıa Respýblıkasy, Belgııa, Bolgarııa jáne t.b. shetelderdiń 95 joǵary oqý ornymen jasalǵan yntymaqtastyq týraly kelisimsharttar negizinde akademııalyq utqyrlyq baǵ­dar­la­masy júzege asýda.

Shetel azamattaryn oqýǵa shaqyrý – zaman talaby. Osyǵan sáıkes atalǵan úderisti júıelendirý úshin aldyn ala birqatar uıymdastyrý-ádistemelik sharalar atqaryldy. Qazirgi kúni Baıqońyr, Nókis (О́zbekstan), Orynbor (Reseı Federasııasy), Osh (Qyrǵyzstan), Úrimshi (QHR) qalalarynda ýnıversıtet ókildikterin ashý jumystary bastalyp ketti. 

2017-2018 oqý jylynyń ózinde 15 shetel­dik ýnıversıtetpen, bilim orta­lyq­tary men halyqaralyq qorlarmen ynty­maq­tastyq týraly memorandýmdarǵa qol qoıylýy nátıjesinde Túrkııa men Bolgarııadan shaqyrylǵan top-mened­­jer­ler strategııalyq josparlaý, aka­de­mııalyq máseleler men ınternasıo­nal­dandyrý boıynsha qyzmet tájirı­be­le­rimen bólisti. 2018 jyly Reseı, Bolgarııa, Japonııa, Germanııanyń je­tekshi joǵary oqý oryndarynan sha­qyrylǵan 10 ǵalym magıstranttar men doktoranttarǵa dáris oqyp, dıssertasııalyq jumystar taqyryptary boıynsha oqý úderisine ınnovasııalyq tehnologııalar men ǵylymı-zertteýler nátıjelerin engizýge baılanysty keńester berdi.

Reseı Federasııasynyń joǵary oqý oryndarynyń magıstratýra jáne aspırantýra, PhD doktorantýralarynda ýnıversıtet esebinen 30-ǵa tarta jas oqytýshy bilimin shyńdap, ǵylymı-zertteýlermen aınalyssa, elimizdiń jetekshi ýnıversıtetteriniń doktorantýralarynda maqsatty negizde 15 doktorant bilim alýda. Sońǵy 4 jylda 26 jas ǵalym dıssertasııalaryn sátti qorǵady.

Aldaǵy 5 jyl ishinde bilim, ǵylym, densaýlyq saqtaý salalaryna barlyq kózderden jumsalatyn qarajat úlesi álemdegi eń damyǵan elderdiń kór­set­kish­te­rine sáıkes deńgeıge, ıaǵnı ishki jalpy ónimniń 10 paıyzyna deıin jetkiziletin bolady. Bul, ǵylymnyń ekonomıkadaǵy mańyzyn eselep arttyrýǵa, ásirese jas ǵalymdar men mamandardy daıyndaý isine jasalǵan teńdessiz qamqorlyq. Osy rette Qorqyt Ata atyndaǵy ýnıversıtet birinshi kezekte bilim, ǵylym jáne bıznesti ıntegrasııalaý úderisin pármendi júzege asyra otyryp, óndiris suranysy men eńbek naryǵyna saı irgeli zertteýler aıasyn keńeıtýdi óziniń basty baǵdarynyń biri etip qoıýda. Halyqaralyq reıtıngterdiń de talaby osyǵan saıady. Mejeli beles bıiginen kórinetinine ujym músheleriniń senimi mol. О́ıtkeni ǵalymdardyń zertteýleri men ınnovasııalyq ıdeıalary nátıjeli bolyp otyr. 

Atap aıtqanda, QR BǴM Ǵylym ko­mı­­tetiniń granttyq qarjylandyrýy negizinde qazirgi kúni 2018-2020 jyl­dar­ǵa arnalǵan 9 joba (jalpy quny 183 mln teńgeden astam) júzege asýda. 2012-2017 jyldar aralyǵynda, ıaǵnı, alty jyl ishinde, osyndaı 15 jobanyń tabysty oryndalǵanyn aıta ketkenimiz oryndy. Bıznes-áriptes «FrakDjet» JShS birlesip «Ǵylym qory» AQ granty negizinde (jalpy quny 270 mln teńge) «Munaı qaldyqtaryn ınnovasııalyq tehnologııa boıynsha óńdeý» jobasyn kommersııalandyrý iske asyrylýda. Stýdenttik bıznes-ınkýbator aıasynda 25 joba boıynsha 80 bilim alýshy óz kásipterin ashyp jalǵastyrýda. Mundaı kórsetkishter ýnıversıtet tarıhynda buryn-sońdy bolmaǵan edi. 

Halyqaralyq reıtıngte profes­sor­lyq-oqytýshylar quramynyń ǵylymı shy­ǵarmashylyǵynyń alatyn orny eleý­li. Ýnıversıtet ǵalymdarynyń bul baǵyttaǵy jetis­tik­teri de aıtarlyqtaı. 2017-2018 oqý jy­lynda 15 monografııa, 43 oqýlyq pen oqý quraly, ha­lyq­aralyq resenzııalanatyn basy­lym­darda 950-den astam maqala jaryq kó­rip, ónertabystarǵa 27 patent alyndy. Sonymen qatar halyqaralyq kompanııa­lar (Web of Science Core Collection, Scopus, t.b.) bazalarynda bedeldi 50 ǵalymnyń Hırsh-ındeksi aıqyndalǵan.

«Qorqyttaný jáne ólke tarı­hy» ǵy­ly­mı-zertteý ınstıtýty, «Arhe­o­lo­gııa jáne etnografııa», «Mustafa Shoqaı­taný» ǵylymı-zertteý orta­lyqtary, «Elbasy jáne táýelsiz Qazaq­stan» oqý-kór­me zaly, «Máńgilik El» oqý-tárbıe or­talyǵy, «Rýhanı jańǵyrý» oqý-ádis­te­melik ortalyǵy elimizdiń jáne Syr óńi­riniń tarıhy, ádebıeti jáne rýhanı muralaryna keshendi zertteýler júrgizýmen qatar, jastardyń boıynda otansúıgishtik sezimin qalyptastyrýǵa belsene atsalysyp keledi.

Barlyq qurylymdyq bólimderdiń qyzmetin sıfrlandyrýmen birge, qa­shyq­tyq­tan oqytý tehnologııasy men ashyq bilim berý resýrstary arqyly oqý úderisin uıymdastyratyn «E-UNIVER» elektrondy ýnıversıtet júıesi qyzmet etýde. Buǵan kompıýterlik tehnologııalar kafedrasy bazasynda ashylǵan CISCO, ORACLE halyqaralyq akademııalardyń fılıaldary úlken septigin tıgizýde.

Bilim alýshylardyń jetistikteri reı­tıng­terde joǵary baǵalanady. Sońǵy 5 jylda 367 bilim alýshy QR BǴM ótkizetin Úzdik stýdenttik ǵylymı jumys­tardyń respýblıkalyq konkýrsy men pándik olımpıadalardyń jeńim­paz­da­ry men júldegerleri atandy. 

О́tken oqý jylynda QR BǴM qol­daýy­men uıymdastyrylǵan «Hackday (hakdeı): ıdeıadan prototıpke deıin 24 saǵat ishinde» atty aqparattyq tehnologııalar salasyndaǵy stýdentter men oqýshylardyń baıqaýynda ýnıversıtet jobasy birinshi oryn ıelense, bıznes-jobalardyń («Startup Bolashak – Menin Armanym») oblystyq konkýrsynyń fınalyna 1 joba shyqty. 

2017-2018 oqý jylynda stýdentter «Syr symbaty» sport klýbyna 16 sport seksııasy boıynsha qatysty. Olardyń arasynda bir Qazaqstannyń eńbek sińirgen sport sheberi, 14 halyqaralyq dárejedegi sport sheberi, 21 sport sheberi jáne 40 sport sheberligine úmitker bar.

Ýnıversıtettiń qurama komandasy joǵary oqý oryndary arasyndaǵy IH jazǵy Ýnıversıadaǵa sporttyń 15 túri boıynsha qatysyp, 6 altyn, 2 kúmis, 17 qola medal jeńip aldy. Sonymen birge VII qysqy Ýnıversıadada 1 kúmis jáne 2 qola medal enshiledi.

Mını-fýtbol men basketbol qura­ma­sy elimizdegi stýdenttik lıgalardyń fınaldaryna qatysty. Jalpy, 33 stýdent sporttyń ártúri boıynsha Ult­tyq shtattyq komandalardyń múshe­si. Joǵary lıgada óner kórsetetin «Qaı­sar QMÝ» voleıbol jáne «Seıhun QMÝ» gandbol komandalarynyń qu­ra­mynda stýdentterimizdiń kóp bolýy ha­lyqaralyq reıtıngterde joǵary upaılar ákeldi.

Ýnıversıtet ujymynyń jetistikteri – saralanǵan baǵdarlamalardyń, baıypty qadamdardyń, júıeli jumystardyń qorytyndysy. О́ziniń strategııalyq josparlaryn laıyqty atqara otyryp, ýnıversıtet joǵary oqý oryndarynyń halyqaralyq reıtıngterinde úzdikterdiń eń aldyńǵy legine enýge umtylýda.

Qorqyt Ata atyndaǵy Qyzylorda memlekettik ýnıversıteti ulttyń rýhanı qundylyqtaryn qadir tutatyn, óz Otanyn súıetin, álemdik órkenıettiń úzdik bilimi men ozyq ǵylymynan nár alýǵa umtylatyn, jańalyqtardy ıgerýge barynsha beıim parasatty tulǵa, básekege qabiletti mamandy tárbıeleý arqyly qoǵam aldyndaǵy mártebeli mindetin bolashaqta da abyroımen atqara bermek.

Qalı OMAROV,

Qorqyt Ata atyndaǵy QMÝ ǵylym departamentiniń dırektory

Qyzylorda oblysy

Sońǵy jańalyqtar

Kóktemgi egiske kóp qalǵan joq

Qazaqstan • Búgin, 13:32

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar