Paıdalanýǵa beriletin turǵyn úılerdiń jalpy aýdany 39,7 myń shm. (2017 jyly 38,6 myń shm). Turǵyn úılerdi qoldanysqa engizý. Kóppáterli turǵyn úılerdi jóndeý jumystary boıynsha Quryq aýylyndaǵy úsh kóppáterli turǵyn úılerge jóndeý jumystary tolyq júrgizildi.
«Ersaı» jáne «Naıza Qurylys» kompanııalarynyń demeýshiligimen Quryq aýylyndaǵy 20 úıdiń syrtqy fasadtary jóndeldi, 10 úıdiń tóbesine mańdaısha qoıyldy. Jetibaı aýylyndaǵy qulaý qaýpi bar úıdegi turǵyndardy kóshirý maqsatynda, Jetibaı aýylyna 2-qabatty 48 páterlik eki turǵyn úıdiń qurylysynyń JSQ jasaqtalyp, joba quny 1 mlrd 187,6 mln teńgege qarjylandyrýǵa usynyldy. Qazirgi tańda aýdan boıynsha turǵyn uı kezeginde – 943 azamat esepke alynǵan. Sondaı-aq, Quryq aýylynda kóp qabatty 120 páterlik arendalyq 5 turǵyn úıler salynýda. Al, Bolashaq aýylynda eki páterlik 5 turǵyn úı paıdalanýǵa berildi.
Jalpy qurylys salasynda «NKOK» kompanııasynyń qarjylandyrýymen Senek aýylynda jobalyq quny 196,0 mln quraıtyn, aýlasynda eki 40h20 fýtbol alańdary bar sport zalynyń qurylysy bastaldy. Ǵımarat kólemi 633 sharshy metr. Tapsyrys berýshi MQI, merdiger mekeme «Shabyt» JShS, qurylystyń aıaqtalý merzimi 2019 jyldyń tamyz aıy.
«Ońdasyn Stroı» JShS qoldaýymen Quryq aýylynda quny 40,0 mln teńge quraıtyn tıptik jobadaǵy sport zal qurylysy, Jetibaı, Munaıshy jáne Quryq aýyldarynda «Samuryq qazyna trast» qory men jer qoınaýyn paıdalanýshy mekemeleriniń demeýshiligimen («Ersaı» JShS, «BıDjıPı» JShS, «Bekturly Opereıtıng» JShS) 3 vorkaýt, 3 balalardyń oıyn alańy salynyp, halyq ıgiligine berildi. Sonymen qatar Jetibaı aýyly kitaphanasyna aǵymdaǵy jóndeý jumystary júrgizildi (quny 20 mln tg).
Aýyz sýmen qamtamasyz etý boıynsha ortalyqtandyrylǵan sý qubyrlaryn halyqqa jetkizý kórsetkishi 90% jetti (2017 j. – 84%, jalpy uzyndyǵy 348 shaqyrym). О́tken jylmen salystyrǵanda 6% ósken.
Bıyl 100,0 mln teńge qarajat bólinip, Jetibaı aýylyndaǵy «Ulýtas» (35 úı), «Qalmambet» (48 úı), «Jańǵabyluly» (112 úı) shaǵyn aýdandaryna 195 turǵyn úılerine sý qubyry tartylyp jatyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
