«Birinshiden, magıstratýraǵa granttar kelesi jyldan bastap úmitkerlerdiń biryńǵaı emtıhanynyń qorytyndysy boıynsha bólinetin bolady. Eger osyǵan deıin magıstratýraǵa granttar JOO berilip, olar ózderi tapsyrma daıyndaǵan, ózderi emtıhan ótkizip, túsý týraly sheshimdi ózderi qabyldaǵan edi. Endi GMAT formaty boıynsha biryńǵaı emtıhan bolady. Iаǵnı, úmitkerlerge Ulttyq testileý ortalyǵy ótkizetin keshendik testileýden ótý kerek», - dedi Ashat Aımaǵambetov.
Vıse-mınıstrdiń aıtýynsha, jańadan engizilgen ózgerister granttardy bólýdiń ádiletti júzege asýyn qamtamasyz etip qana qoımaı, oqý oryndarynyń arasyndaǵy básekelestikti kúsheıtedi.
«Osylaısha, «grant magıstranttyń sońynan eredi» degen qaǵıda júzege asyrylady. Bul JOO básekelestigin arttyryp, sózsiz granttardyń ashyq jáne ádil taratylýyna septigin tıgizedi. Magıstratýraǵa túsýshilerge daıyndyq baǵytynyń sheńberindegi naqty bilim berý baǵdarlamalarynyń tobyn kórsetý qajet. Úmitkerler shet tilin tapsyrady (osyǵan deıin de solaı bolǵan), sondaı-aq bilim alýǵa daıyndyǵy boıynsha jáne 2 salalyq pánder boıynsha testiler tapsyrady», - dep jazady ol.
Sonymen qatar doktorantýraǵa túsý erejelerine de birqatar ózgerister engen.
«Oqýǵa túsýshi doktorantýranyń salalyq páni boıynsha qaı JOO-na tússe, sol jerde, sol ýnıversıtette emtıhan tapsyrady, sonymen qatar shet tilin biletinin rastaıtyn sertıfıkat usynady. Mundaǵy basty ózgeris - endi doktorantýraǵa túsý úshin halyqaralyq sertıfıkat (sáıkesinshe, IELTS, TOEFL jáne t.b.) talap etiletininde. Shet tili boıynsha testileý doktorantýra boıynsha endi Ulttyq testileý ortalyǵy arqyly ótkizilmeıdi. Sondyqtan doktorantýraǵa túsemin dep nıet bildirýshiler osy baǵyt boıynsha daıyndalýlary tıis», - deıdi Ashat Aımaǵambetov.
