Qońqabaev asa aýyr salmaqta synǵa túsetin boksshy. Ol 2017 jylǵy álem chempıonatynda fınalǵa jetip, kúmis júldeger atanǵan bolatyn.
«Komanda kapıtany degen at úlken jaýapkershilik júkteıdi. Sportshylarǵa úlgi bolyp, jol kórsetý mindetim dep esepteımin. Jańa jyldan bastap komandaǵa jas boksshylar qosyldy. Qurama birshama jańaryp qaldy. Bas bapkerimiz de aýysty. Sol sebepti, bárimiz bir judyryqtaı jumylyp, Qazaqstan namysyn abyroımen qorǵaý úshin bar kúshimizdi salamyz», - dedi Qońqabaev.
Bul kúnderi Qazaqstan boksshylary AIVA akademııasynyń bazasynda jyldyń alǵashqy jıynyn ótkizip jatyr.
Buǵan deıin ulttyq qurama kapıtany mindetin atqarǵan Ádilbek Nııazymbetov sporttaǵy mansabyn aıaqtady.
