L. Bıýrabekovanyń aıtýynsha, «keıbir zańnamalyq aktilerine dárilik zattar men medısınalyq buıymdardyń aınalysy máseleleri boıynsha ózgerister men tolyqtyrýlar engizý týraly» Zań Prezıdenttiń «Qazaqstannyń úshinshi jańǵyrýy: jahandyq básekege qabilettilik» Qazaqstan halqyna Joldaýyna sáıkes áázirlengen jáne barlyq dári-dármekterdiń baǵasyn retteýge baǵyttalǵan.
«Zań jobasy jarııalanǵannan keıin úsh aı ýaqyt ótken soń kúshine engen kezden bastap shekti kóterme jáne shekti bólshek satylym baǵalaryn anyqtaý rásimi bastalady, kóterme dıstrıbıýtorlarǵa jáne bólshek saýdada osy anyqtalǵan shekti baǵalardan asyryp dári-dármekterdi satýǵa tyıym salynady», dedi Lıýdmıla Bıýrabekova.
Dári-dármekterdiń baǵalaryn memlekettik retteýdi engizý óńirge qaramastan, kóterme jáne bólshek segmentte dári-dármekterdiń biryńǵaı baǵasyn qalyptastyrý mehanızmin qamtamasyz etýdi kózdeıdi. Sondaı-aq, halyq úshin dári-dármekterdiń ekonomıkalyq qoljetimdiligin arttyryp, farmasevtıkalyq naryq qatysýshylarynyń, ıaǵnı dári-dármekterdi óndirýshiler, kóterme jáne bólshek saýda uıymdarynyń jaýapkershiligin arttyrýǵa baǵyttalǵan.
Farmasııa komıtetiniń tóraıymy dári-dármekter baǵalaryn qalyptastyrýdaǵy josparly ózgerister baǵany retteýdiń 4 deńgeıin: óndirýshi, kóterme saýda, bólshek saýda men mindetti áleýmettik medısınalyq saqtandyrý júıesi jáne tegin medısınalyq kómektiń kepildik berilgen kólemi aıasyndaǵy satyp alý deńgeılerin qamtıtynyn atap ótti.
«Baǵalardy retteýdiń tórt deńgeıi óndirýshiniń baǵany belgileýine tikeleı qatysty, degenmen olar tek Qazaqstan Respýblıkasynda tirkelgen dári-dármekterge ǵana qatysty. Budan ári ústeme baǵany eskere otyryp shekti kóterme jáne shekti bólshek baǵa bekitiledi. Sonymen qatar, erejeler tegin medısınalyq kómektiń kepildik berilgen kólemi aıasynda jáne mindetti áleýmettik medısınalyq saqtandyrý júıesinde dárilik zattardy satyp alýǵa baǵalardy belgileýdi retteıtin bolady», dedi L. Bıýrabekova.
Buǵan qosa, qymbat turatyn dári-dármekterdiń baǵalary da retteledi.
L. Bıýrabekova baǵalardy retteý dári-dármekterdiń sapasyna áser etpeıtinine nazar aýdardy.
«Baǵa men sapa – dári-dármekpen qamtamasyz etýde únemi eskeriletin eki krıterıı. Bizde sapaǵa saraptamalyq uıym – Dári-dármekterdi saraptaýdyń ulttyq ortalyǵy jaýapty. Tirkeý júrgizilip jatqan kezde kompanııa dáriniń sapasyn rastaıtyn qujattar paketin usynady. Eger dári-dármek Qazaqstan Respýblıkasynyń aýmaǵynda tirkelgen bolsa, onda onyń qaýipsizdigi men sapasy dáleldengen. Sáıkesinshe, baǵalardy retteý dárilerdiń sapasyna eshqalaı da áser etpeıdi. О́zgerister shekteýlilik túrinde baıqalady, biz buıryqpen bekitetin aıyrma men ústeme baǵany jurtshylyqpen jáne qaýymdastyqtarmen belsendi túrde talqyladyq. Atalǵan baǵaǵa eshkim qarsy emes sekildi. Qandaı da bir dári-dármek naryqtan shyǵyp qalmaıdy dep oılaımyz», dedi Farmasııa komıtetiniń tóraıymy.
Aıta keterlik jaıt, elimizdiń barlyq óńirlerinde dári-dármekterdiń baǵalary birdeı bolmaq.
«Dárihanalardyń aýyldyq nemese qalalyq ekenine qaramastan, baǵalar buıryqpen bekitilip, QR barlyq aýmaǵynda birdeı baǵamen satylatyn bolady», dedi L. Bıýrabekova.
