Olardyń aıtýynsha, baǵa azyq-túlik taýarlaryna ótken aıda 1,6%, azyq-túlik emes taýarlaryna - 1%, aqyly qyzmetterge - 0,2%-ǵa joǵarylaǵan eken.
Azyq-túlik taýarlar tobynda baǵanyń joǵarylaýy jańa jınalǵan kókónisterge - 27,5%, jumyrtqaǵa - 7,1%, shıki sútke - 4,7%, qus etine - 3,9%, balyq jáne teńiz ónimderine - 1,9%, jańa jınalǵan jemisterge - 1,8%, maı jáne toń maıǵa - 0,4%-ǵa baıqaldy. Baǵanyń tómendeýi qantqa 0,8%-ǵa tirkeldi.
Azyq-túlik emes taýarlar tobynda baǵanyń ósimi turmystyq toqyma buıymdarǵa - 3,2%, oıyndar, oıynshyqtarǵa - 2,3%, kıim jáne aıaq kıimderge - 1,4%, jıhaz jáne úı turmysyna qajetti zattarǵa - 1,2%-ǵa tirkeldi. Dızel otyny - 12,4%, benzın - 0,2%-ǵa qymbattaǵan.
Aqyly qyzmet kórsetý tobynda saǵat pen zergerlik buıymdardy jóndeýge - 4,6%, jolaýshylardyń áýe kóligine - 3,5%, meıramhanalar men qonaq úılerge - 1,5%, saıahattar men demalys úılerine joldamalarǵa - 0,9%, demalys, oıyn-saýyq jáne mádenıet salasyndaǵy qyzmetterge - 0,4%-ǵa ósti. Baǵanyń tómendeýi jolaýshylar temir jol kóligine - 4,8%-ǵa tirkelgen.
Bul tek Qyzylorda oblysynda ǵana emes respýblıkamyzdyń basqa óńirlerinde de baǵa narqy osylaısha qubylyp tur.
Dúnıejúzilik naryqta da osyndaı jaǵdaılar baıqalady. Qazaqta «tarta jeseń taı qalady, qoıa jeseń qoı qalady» degen qanatty sóz bar. Sarapshylar qazir turǵyndardyń únemshildikke kóshkendigin aıtyp júr.
Baqtııar TAIJAN,
«Egemen Qazaqstan»
Qyzylorda oblysy
