Elbasy Joldaýda osy baǵyttaǵy máseleniń sheshý joldaryn kórsete kele, «Úkimetke jáne ákimderge kem degende 100 dene shynyqtyrý-saýyqtyrý keshenin salýdy tapsyramyn. Sondaı-aq, qoldanystaǵy, ásirese, mektepterdegi sport ǵımarattaryn tıimdi paıdalanyp, dene shynyqtyrýmen aınalysý úshin aýlalardy, parkterdi, saıabaqtardy jabdyqtaý qajet» degen bolatyn. Qazir óńirlerde Joldaý júktegen mindetter aıasynda qyzý jumys qolǵa alynǵan. Osy baǵytta Almaty oblysynda naqty is bar. Ásirese, aımaqta memleket pen jekemenshik arasyndaǵy áriptestikti júzege asyrý jumystary nátıjeli bolyp otyr. Jalpy, 2018-2019 jyl aralyǵynda quny 50,5 mlrd teńge bolatyn jumysty ıgerýge jospar qurylypty. Iаǵnı, byltyr men bıyldy qosqanda aımaqta osy qarjyǵa 31 nysan salynyp, qoldanysqa berilýi tıis.
Eki jaqty áriptestiktiń naqty mysalyn aımaqtaǵy buqaralyq sportty damytýǵa arnalǵan dene shynyqtyrý-saýyqtyrý ortalyqtarynynyń kóptep salynýynan kórýge bolady. Qazirgi kúni óńirde 3 myńnan astam sportsúıer qaýymǵa arnalǵan jattyǵý zaly men jasóspirimder úshin 37 sport mektebi ashylǵan. qyzmet kórsetýde. Bul nysandardyń jartysynan astamy jekemenshik sektordyń qatysýymen júzege asyp otyr.
О́tken jyldar aýqymynda oblystyń Jambyl, Eńbekshiqazaq, Kerbulaq jáne Alakól aýdandaryndaǵy 4 dene shynyqtyrý-saýyqtyrý kesheniniń qurylysy tolyqtaı aıaqtalǵan bolatyn. Al Qarasaı aýdanynyń Qaskeleń qalasy men Shamalǵan aýylynda, Aqsý aýdanynyń Jansúgirov kentinde dál osyndaı ámbebap sport kesheniniń qurylysy qyzý Jalpy, óńirde 2019-2021 jyl aralyǵynda Alakól aýdany Dostyq aýylynda, Eskeldi aýdanynyń Qarabulaq kentinde, Raıymbek aýdanynyń Narynqol aýylynda, Balqash aýdanynyń Baqanas aýylynda, Ile aýdanynyń Baıserke aýylynda, Kóksý aýdanynyń Balpyq bı aýylynda zamanǵa saı dene shynyqtyrý-saýyqtyrý keshenderi memlekettik-jekeshelik áriptestik aıasynda salynyp, qoldanysqa beriletin jóninde kelisimder jasalǵan.
- Elbasy Joldaýynyń aıasynda elimizde keminde 100 dene shynyqtyrý-saýyqtyrý keshenin salý týraly tapsyrma berilgeni belgili. Soǵan sáıkes oblysta 6 dene shynyqtyrý-saýyqtyrý kesheni salyndy. 2018 jyly 7 keshenniń qurylysy qolǵa alyndy. Olardyń úsheýi – memlekettik-jekemenshik áriptestik negizinde bastalsa, qalǵan beseýiniń jobalyq-smetalyq qujattary daıyndalýda. Bul tek turǵyndardyń salamaty ómir saltyn ustanýǵa oraı jaǵdaı jasaýǵa negizdelgen qadam. Osy rette memlekettik-jekemenshik áriptestik tetikteriniń kómegimen bilim jáne densaýlyq salalarynyń birqatar máselesin sheship kele jatqanymyzdy da aıtqym keledi. Nátıjesinde, Taldyqorǵanda respýblıkada tuńǵysh ret qaterli isik aýrýlaryn erte kezeńnen anyqtaý ortalyǵyn ashtyq. Jaqynda ǵana oblysta Pozıtrondy emıssııalyq tomografııa ortalyǵyn jańǵyrtý men iske qosý jobasyn júzege asyrdyq, - deıdi taqyrypqa oraı pikir bildirgen Almaty oblysynyń ákimi Amandyq Batalov.
Jalpy, jekemenshik sektordyń qatysýymen ashylǵan sporttyq nysandar jergilikti turǵyndardyń salamatty ómir saltyn ustanýyna jol ashatyny anyq. Ásirese, aýyldyq óńirdegi ortalyqtardyń jastar úshin bereri mol. Ári mundaı dene shynyqtyrý ortalyqtarynda úlken qalalardaǵy sııaqty jattyǵýǵa qajetti sport ınventarlarynyń derligi qoıylǵan eken. Mysalǵa, byltyr Alakól aýdany Úsharal qalasynda «Tarlan» atty ámbebap dene shynyqtyrý – saýyqtyrý kesheni ashyldy. Osy óńirden shyqqan belgili memleket qaıratkeri Saýat Myńbaevtyń jekke qarjysyna salynǵan jańa sport kesheninde boks, kúres, dzıýdo, taekvondo, aýyr atletıkamen aınalysýǵa jáne fýtbol oınaýǵa barlyq múmkindikter qarastyrylǵan. Túrli sport jattyǵýlaryna beıimdelgen zaldardan bólek, jattyqtyrýshylar men dárigerler bólmesi, kıim aýystyrý jáne jýyný bólmeleri de bar. Fýtbol alańy men «Street workout» alańqaıy da keshenge japsarlasa salynǵan eken. Osy dene shynyqtyrý – saýyqtyrý kesheniniń qurylysyna ınvestor 500 mln teńge bólgen kórinedi.
Dál osyndaı ortalyq jaqynda Talǵar qalasynda da ashylǵan bolatyn. Sporttyń jekpe-jek jáne jaýyngerlik jattyǵý túrlerine arnalǵan 180 oryndyq dene shynyqtyrý-saýyqtyrý ámbebap keshenin aıasynda Talǵar aýdanynyń «Almaly» balalar men jasóspirimder sport mektebi de jumysyn bastady. Keshen aýmaǵynda trenajerlyq, oıyn, kúres, boks jáne jattyǵý zaldarynan bólek, voleıbol, basketbol, fýtbol sporttyq alańdary men 400 oryndyq kórermen trıbýnasy ornalasqan.Al «Almaly» balalar men jasóspirimder sport mektebi balalardy sporttyń 15 túrine baýlıdy. Munda boks, basketbol, voleıbol, grek-rım jáne erkin kúres, qazaqsha kúres, jeńil atletıka, fýtbol, gandbol, taekvondo, karate-do, sambo, jekpe-jek, sadaq atýǵa jattyǵý úshin qajet jaǵdaı jasalǵan. Qazirgi mektepke 915 oqýshy sportpen aınalysýǵa nıet bildirip, jazylypty.
- Elbasy halyqqa joldaǵan Joldaýynda júz sporttyq keshen salýdy qadap aıtqan edi. Mine, sonyń dáleli retinde oblysta aýqymdy is atqarylýda. Máselen, Talǵar, Panfılov, Alakól, Qarasaı, Eńbekshiqazaq, Jambyl aýdanynda dene shynyqtyrý jáne saýyqtyrý keshenderi ashylyp, jastarymyz sporttyń birneshe túrimen shuǵyldanyp jatyr. Al Aqsý, Kegen, Qarasaı aýdany, Raıymbek aýylynda saýyqtyrý keshenderiniń qurlysy aıaqtalyp, bıyl paıdalanýǵa beriledi. Keler jyly Taldyqorǵan qalasynda jeńil atletıkalyq manej, júzý basseıini jáne ortalyq stadıonǵa kúrdeli jóndeý men Qapshaǵaı qalasynda dene shynyqtyrý kesheniniń qurylysy bastalady. Munyń syrtynda jergilikti bıýdjetten jeke azamattardyń qoldaýymen salynyp jatqan jattyǵý zaldary kóp. Jaqsylyq Úshkempirov aǵamyzdyń Elbasynyń aldynda aıtqan sózi kóptegen azamattarǵa túrtki bolyp, osyndaı ıgilikti iske qol ushyn sozyp jatyr. Munymen toqtap qalmaımyz. Salaýatty ómir saltyn nasıhattaýda, halyqtyń 30 paıyzyn sportqa tartý máselesi boıynsha kóptegen isti atqaramyz. Sondaı-aq, úlken sportqa da mán berip, álemdik arenadaǵy Qazaqstannyń abyroıyn asqaqtatýǵa bar kúshimizdi salamyz. Ondaı iri nátıje búgingi óńirlerde boı kótergen sport keshenderinen bastaý alady. Dene shynyqtyrý jáne saýyqtyrý keshenderi aýyl men álem sportynyń arasyn jalǵaıtyn altyn kópir ispetti, - deıdi taqyrypqa oraı túıindi sózinde Almaty oblysy Dene shynyqtyrý jáne sport basqarmasynyń basshysy Nurbaqyt Teńizbaev.
Qalmahanbet MUQAMETQALI,
«Egemen Qazaqstan»
Almaty oblysy
