«Dúnıejúzi Qazaqtarynyń V quryltaıy aıasynda, bizdiń mınıstrlikke naqty tapsyrma bergen Elbasy: «shettegi qandastardyń Qazaqstannan jan-jaqty habar alyp turýyna kómektesý kerek», - degen bolatyn. Iаǵnı shet eldegi aǵaıyndy otandyq aqparatpen qamtamasyz etý mindeti alǵa qoıyldy. Jaqynda ǵana «Habar 24» pen «Kazak tv» arnalary Reseıde habar taratý lısenzııasyna qol jetkizdi. Kórshi eldiń tele naryǵyna resmı tirkelý úshin qajetti tehnıkalyq jáne qujattyq talaptardyń qyrýar sharýasy atqaryldy. Birneshe aıǵa sozylǵan, kóptegen kelissózderdiń nátejıesinde biz Reseı Federasııasynyń kabeldik operatorymen bir mámilege keldik. «Habar» Agenttiginiń ujymyna, osyndaı aýqymdy isti júzege asyrǵandary úshin alǵys aıtqym keledi», dedi D.Abaev.
Vedomstvo basshysynyń aıtýynsha, shekaralas aımaqtardy mekendeıtin qandastarymyz biraz ýaqyttan beri mınıstrlikke hat joldap, el jańalyqtaryn kórgileri keletinin jetkizip edi. Júrgizilgen jumystardyń nátıjesinde alystaǵy aǵaıynnyń ótinishi de oryndalyp otyr.
Taǵy bir aıta keterligi, «Habar» Agenttigi túsirgen «Ana júregi» atty telehıkaıa О́zbekstannyń belgili arnalarynyń birinde kórsetilip jatyr. О́zbek telekompanııasynyń ókilderi serıaldyń jergilikti kórermen tarapynan joǵary suranysqa ıe bolǵanyn jetkizgen.
