Oblys ortalyǵynda ótken jyly «Azamattyq alıans úıi» ashyldy. Bul jergilikti úkimettik emes uıymdar bir-birimen tyǵyz baılanysta qyzmet jasaýlaryna múmkindik beredi.
Mysaly, «Meıirimdiler» klýby bıyl elimizdiń «Úzdik áleýmettik jobalar» konkýrsynyń óńirlik kezeńi boıynsha «Árbir úıge meıirim ákeleıik» jobasyn usynǵan «Klýb dobrıakov» meıirimdiler uıymy jeńimpaz atandy.
Baıqaýǵa qatysqan «Shatyr asty baý-baqsha-qysy-jazy dárýmen» jobasymen «О́mir» ońaltý ortalyǵy 2 oryn, al, 3-oryn «Alramı klýbtyq úıine» berildi.
Sondaı-aq, óńirdegi «Balalar men jastar arasynda salaýatty ómir salty, mádenıet pen buqaralyq sportty nasıhattaý boıynsha úzdik uıym» nomınasııasynda «Joldar» jastar qoǵamdyq birlestigi jáne «5 jyldan astam ýaqyt boıy jumys isteıtin jobalyq menedjer» nomınasııasynda «Desenta» qoǵamdyq birlestikteri bıylǵy jyldyń úzdik úkimettik emes uıymdary ataldy.
О́ńir turǵyndaryna belgili «Desenta», «Úmit úzbeý» , «Qyzyl Jarty Aı qoǵamy», «Úıge baspaldaq», «Qamqor» kómek jáne ońaltý ortalyǵy» , «Samal» sekildi qoǵamdyq birlestik ókilderi ár iste belsendi.
Al, oblystyq ákimdik jumys jasamaıtyn uıymdardy jabý qajettigin aıtýda.
Elimizdiń Qoǵamdyq damý mınıstrliginiń tapsyrmasyna sáıkes jumys istemeıtin úkimettik emes uıymdar máselesi boıynsha qyzmetti durys uıymdastyrmaǵan aýdandar men qalalar belgili boldy.
Oblystyq ishki saıasat basqarmasynyń málimetinshe, ótken jyly óńirde tirkelgen 698 ÚEU-nyń 155-si jumys istemegen. Qyzmetin atqarmaıtyn uıymdardyń 150-i oblys ortalyǵynda bolsa, qalǵan 5-i aýdandarda.
Iаǵnı, jumys istemeıtin úkimettik emes uıymdardy joıý úshin ÚEU-nyń erikti túrde qyzmetin toqtatýy kerek, nemese, memlekettik kiris organdarynyń sotqa shaǵymdanýy.
Mysaly, ótken jyly oblys boıynsha sondaı ÚEU-dyń 13-i jabylypty. Olardyń 9- Ekibastuzda, qalǵandary óńirdegi 4 aýdanda qyzmetin toqtatty.
Farıda BYQAI,
«Egemen Qazaqstan»
PAVLODAR
