Qala irgesindegi Tasbóget gıdrobeketindegi sý mólsheri 704 sm, al ol 740 sm-ge jetkende qaýipti deńgeı bolyp sanalady. Osyǵan baılanysty «Qazgıdromet» stansııasy on sý beketinen synamalar alyp, jaǵdaıdy turaqty baqylap otyr.
Injenergıdrolog Raýshan Bısetaeva sý kóterilip ıakı muz býǵan jaǵdaıda topan sýdyń jaıylymdyq jerlerge shyǵý qaýpin kúsheıetindigin aıtady. Osyǵa baılanysty qajetinshe sharalar atqarylyp jatyr eken.
Búginde Qyrǵyz Alataýynan keletin sýdy qabyldap jatqan Shardara sý qoımasy bergi betke sekýndyna 900 tekshe metr sý aǵyzyp jatyr. Munyń 400 tekshe metrin «Kóksaraı» sý rettegishi qabyldap alyp qalyp jatsa, 500 tekshe metrden astamy Syr arnasymen Aralǵa deıin aǵyp keledi.
Aıaz býǵan sátterde Qyzylorda men Aral aralyǵyndaǵy muz qatyp, tutasyp qalady.
Tótenshe jaǵdaı oryn almas úshin on bir mekemeniń úsh júzge jýyq qyzmetkerleri arnaýly tehnıkalardyń kómegimen darııa jaǵalap, kezekshilikte júr.
Baqtııar TAIJAN,
«Egemen Qazaqstan»
Qyzylorda oblysy
