Nashaqorlyq - jegi qurt. Olardyń qatarynda jastardyń kóbeıip jatqandyǵy jasyryn emes. Máselen, 733 adamnyń jetpis tórti otyz jasqa deıingi jasty quraǵan. Al, olardyń qatarynda úlken ómirge endi qadam jasaǵan jasóspirimderdiń bolǵandyǵy qoǵamdy alańdatady.
- 2017 jyly narkologııalyq ortalyqtyń esebinde 860 adam esepte turǵan edi. Ol byltyr 733 adam boldy. Aldyńǵy jylmen salystyrǵanda esepte turatyndar 127 adamǵa kemidi. Degenmen, 196 adam bizdiń ortalyqqa alǵash ret tirkelip otyr. Uzaq emdelip bizdiń esepten shyǵarylatyn azamattar da bar, - dedi Qyzylorda oblystyq narkologııa ortalyǵy bas dárigeriniń mindetin atqarýshy Gúlaıym Seıilhanova.
Osy jerde emdelip jatqan eresek azamattar ózderiniń bir kezderi jibergen úlken qateligin búgingi jastar qaıtalamasa eken degen nıetin ańǵartyp jatady. Tula boıyn qurttaı kemiretin keselmen ómir tolqynyndaǵy kedergilerge baılanysty barǵandaryn ókinishpen eske alǵan olar osy dertten qulantaza aıyǵyp ketýlerin tileıdi.
Baqtııar TAIJAN,
«Egemen Qazaqstan»
Qyzylorda oblysy
