Uly Otan soǵysy kezinde anasymen birge Ýkraınadan bizdiń elge qonys aýdarǵan Vadım Psarev óziniń sońǵy demi taýsylǵansha Qazaqstanda turyp, kúrestiń osy túriniń órkendeýine ólsheýsiz úles qosty. Onyń eń úzdik shákirtteri ár jyldary mynadaı belesterdi baǵyndyrdy:
Vladımır Bakýlın – Mehıko Olımpıadasynyń kúmis júldegeri (1968), álem (1967) jáne Eýropa chempıony (1966).
Valerıı Rezansev – Olımpııa oıyndarynyń eki dúrkin jeńimpazy (1972, 1972), álemniń bes dúrkin chempıony (1970-1975), Eýropanyń úsh dúrkin chempıony (1970, 1973, 1974).
Anatolıı Nazarenko – Mıýnhen Olımpıadasynyń kúmis júldegeri (1972), álemniń úsh (1970, 1974, 1975) jáne Eýropanyń eki (1972, 1974) dúrkin chempıony.
Jaqsylyq Úshkempirov – Máskeý Olımpıadasynyń jeńimpazy (1980), álem chempıony (1981) jáne Eýropa chempıonatynyń kúmis júldegeri (1980).
Odan bólek, Vadım Psarev halyqaralyq arenada jasyndaı jarqyraǵan basqa da myqty balýandardy tárbıeledi. Ár jyldary ol Qazaqstan quramasynyń bas bapkeri, KSRO quramasynyń jattyqtyrýshysy, Búkilodaqtyq dárejedegi tóreshi qyzmetterin atqardy. 2014 jyly aıtýly azamattyń esimi FILA-nyń Dańq zalyna eńgizildi.
Ǵalym SÚLEIMEN,
«Egemen Qazaqstan»
ALMATY
