Vıdeony Qazaqstannyń Túrkııadaǵy elshiligi Facebook paraqshasynda bólisti. Shaǵyn vıdeoda Ankara Hadjy Baıram Ýálı ýnıversıteti Túrkııat zertteý ortalyǵynyń dırektory Hýlııa Kasapoǵly Chengel túrki halyqtarynyń azattyq kúresinde «Oıan» motıviniń avtory - Mirjaqyp Dýlatuly ekenin aıtady.
«Túrkistandaǵy alǵashqy táýelsiz memleket 1917 jyly Qazaqstanda quryldy. Alash kóshbasshysy Álıhan Bókeıhan tarapynan jáne onyń janyndaǵy oń qoly sekildi Mirjaqyp Dýlatuly degen boldy. Onyń «Oıan» degen bir kitaby bar. Túrki dúnıesinde «Oıan» motıvi óte mańyzdy», - dedi ol.
Professordyń sózine súıensek, túrki áleminde «Oıan» sózin tıimdi paıdalanǵan birneshe aqyn bar. Professor Túrki dúnıesiniń zııalylary birin-biri oqyǵanyn jetkizdi.
«Túrkııa túrikshesimen Akıf jazǵan «Ýıan» óleńin Mirjaqyp «Oıan» deıdi. Uıǵyr tilinde de «Oıǵan» degen óleń shyǵady. Mirjaqyp, «Oıan, qazaq» óleńin 1909 jyly jazady. Demek, menińshe, «Oıan» motıvti óleńderdiń qaınar kózi - Mirjaqyp Dýlatuly» dedi Chengel hanym.
H.Chengeldiń paıymdaýynsha, Shyǵys Túrkistanda «Oıan» motıvin Abdýlhalyq Uıǵyr ilip áketip, ultqa osy motıv arqyly úndeý tastaǵan.
«Qazaqstannyń táýelsizdigine jetýi úshin, halyqty aǵartý úshin Jádıdızmniń jalǵasy - Alash qozǵalysy. Halyqty aǵartý úshin bir qozǵalys jáne kúresip jatyr» dedi professor.
