Maık Pompeonyń Dohaǵa sapary barysynda AQSh pen Katar amerıkalyq El-Ýdeıd áskerı bazasyn keńeıtý týraly memorandýmǵa qol qoıdy. El-Ýdeıd bazasynda AQSh qarýly kúshteriniń Sırııa, Irak jáne Aýǵanstandaǵy operasııalaryna júrgizetin ortalyq qolbasshylyǵy jáne 10 myń amerıkalyq áskerı qyzmetker ornalasqan.
Maık Pompeo Katar men Parsy shyǵanaǵyndaǵy ózge elderdi ózara kıkiljińdi múmkin bolǵanynsha tez arada sheshýge shaqyrdy. Onyń aıtýynsha, maqsaty ortaq elder arasyndaǵy daý tabysqa jetkizbeıdi.
Memlekettik hatshy Katardan Saýd Arabııasyna ushar aldynda jýrnalısterge Hashoggı ólimi týraly málimdeme jasady. Amerıkalyq ákimshiliktiń joǵary laýazymdy ókiliniń jýrnalıst Jamal Hashoggıdiń óliminen keıin Saýd Arabııasyna jasaǵan alǵashqy sapary.
«Biz taq muragerimen Jamal Hashoggıdiń ólimine qatysty kinálilerdi jaýapqa tartý máselesin talqylaımyz» dedi M.Pompeo.
