«Bastaý» jobasy jumyssyz azamattar men ózin-ózi qamtyp otyrǵan jandardy kásipkerlik negizderine oqytýǵa baǵyttalǵan. Bıznes shartaryn úırený kýrsyna qatysý úshin jergilikti Jumyspen qamtý ortalyqtaryna ótinish bildirip, test suraqtarynan ótý kerek. Oqý 20 kún aralyǵynda júrgiziledi jáne marketıng, salyq, zań talaptaryn qamtıtyn 12 modýlden turady. Byltyr 2231 adam osyndaı oqýdan ótip, olardyń 516-sy bıznes ashý úshin 1 mlrd, 300 mln 650 myń teńge kóleminde jeńildetilgen nesıe aldy. «Bastaý» boıynsha kásip ashqandar bir jyl boıy О́ńirlik kásipkerler palatasynyń súıemeldeýinde bolady. Sonymen qatar, jobany bitirgen túlekter 100 AEK kóleminde bir rettik arnaıy grant ıemdene alady.
«Bastaý» kásipkerlik qabiletti anyqtap, iskerlikke baýlıdy. Bıznespen aınalysqysy keletin azamattar baǵdarlamaǵa qatysýǵa ótinim bere alady. Joba osy jyly da jalǵasady. Kásipkerlik sabaqtaryna qatysýshylar tegin oqıdy jáne osy ýaqyt aralyǵynda tyńdaýshylarǵa shákirtaqy qarastyrylǵan. Byltyrǵy jyly «Bastaý» jobasynyń 6 kezeńi ótkizilip, tyńdaýshylardyń 400-ge jýyǵy oblystyq komıssııa aldynda bıznes-josparlaryn sátti qorǵady»,-deıdi «Atameken» kásipkerler palatasy dırektorynyń orynbasary Jańa-aıym Kelbatyrova.
О́ńirimizde «Bastaý» jobasy arqyly jańa kásip túrlerin iske asyrýda. Aıtalyq, Qobda aýdanynyń turǵyny Aleksandr Krasılnıkov ara sharýashylyǵyn iske qosyp, kásibin dóńgeletip otyr. Kásipker súıikti isin tabysty bızneske aınaldyrý joldaryn «Bastaý» jobasynan úırengenin aıtady. Búgingi kúni onyń omartalarynda 200 myń ara bar. Onyń sharýashylyǵynyń ónimderine tapsyrystar kóp túsedi.
Sonymen qatar Temir aýdany boıynsha qaz sharýashylyǵy, makaron, kondıter sehtary, jylyjaı, Mártók aýdanynda ashylǵan tokar sehy, Yrǵyz, Oıyl aýdandaryndaǵy jıhaz óndiristerin, Qarǵalydaǵy kempıng qurylysy men Mártók aýdanynynynyń turǵyny aınalysyp otyrǵan túıe sharýashylyǵy sııaqty«Bastaý» tyńdaýshylarynyń júzege asyrǵan jobalaryn oblystaǵy perspektıvti bıznes nysandaryna jatqyzýǵa bolady.
Aıta ketelik, «Bastaý» jobasy «Nátıjeli jumyspen qamtý jáne jappaı kásipkerlikti damytýdyń» 2017-2021 jyldarǵa arnalǵan memlekettik baǵdarlamasy aıasynda júrgizilýde.
Temir Qusaıyn,
«Egemen Qazaqstan»
