- Búginge deıin bizdiń mekeme 9 kásipkermen jalpy quny 164 mlrd 393 mln teńge bolatyn kelisimge qol qoıdy. «Protecting Business and Investments» jobalyq keńsesine 13 kásipkerden laýazymdy tulǵalardyń is-áreketine qatysty ótinishter túsip, bıznesmenderdiń quqyqtary tolyǵymen qorǵaldy,-deıdi departament basshysy Toqtamys Jumaǵulov. Mysaly, «Jyly úı Atyraý» JShS-nen Atyraý oblystyq Memlekettik kirister departamentiniń laýazymdy tulǵalarynyń is-áreketterine qatysty jobalyq keńsege ótinish túsip, materıal jınaqtalyp, Sybaılas jemqorlyqqa qarsy is-qımyl ulttyq bıýrosy Atyraý oblystyq departamentimen Memlekettik kirister departamentiniń ishki qaýipsizdik qyzmetine ekonomıkalyq tergeý qyzmetindegi tergeýshilerdiń is-áreketteriniń zańdylyǵyn tekserý úshin joldanǵan. Nátıjesinde ekonomıkalyq tergeý qyzmetiniń «Jyly úı Atyraý» JShS-ne júrgizgen qylmystyq tergeý jumystary toqtatylyp, kásipkerdiń quqyǵy qorǵaldy. Sol sekildi, «Almaly qus» JShS-nen sýbsıdııa máselesi boıynsha oblystyq aýyl sharýashylyǵy basqarmasy qyzmetkerleriniń is-áreketine qatysty túsken ótinish negizinde departamenttiń aralasýymen atalǵan seriktestik sýbsıdııaǵa qol jetkizdi.
Jalpy aımaqta sybaılas jemqorlyqqa qarsy mádenıetti, adamdardyń sanasynda sybaılas jemqorlyqqa qarsy turý oıyn qalyptastyrý maqsatynda atqarylyp jatqan sharalardyń qatary kóp. О́tken jyldyń ózinde atalǵan departament 2238 shara ótkizdi. Elbasy Joldaýynda atap kórsetken tapsyrmalar aıasynda «Sybaılas jemqorlyqtan ada óńirler», «Atyraý-adaldyq alańy» jobalary da qoǵam dertimen kúreske baǵyttalǵan.
Baqytgúl BABASh,
«Egemen Qazaqstan»
ATYRAÝ
