Robert Lloıd Shellenberg esirtki kontrabandasymen aınalysqany úshin 2014 jyly sot sheshimimen 15 jylǵa sottalǵan bolatyn. Keıinirek jergilikti prokýratýra bul sheshim tym jeńil jaza dep, isti qaıta qaraǵan. Nátıjesinde Dalıandaǵy sot kanadalyq azamatty ólim jazasyna kesý týraly úkim shyǵardy. Mundaı aýyr jaza shyǵarǵany úshin Kanadanyń premer-mınıstri Djastın Trıýdo Dalıan sotyn aıyptaýda. Robert Lloıd Shellenbergtiń úkimi Kanada men Qytaı arasyndaǵy dıplomatııalyq qarym-qatynasty odan ary nasharlata tústi.
«Qytaıdyń erkin tártipte mundaı aýyr jaza shyǵarǵany bizdi alańdatady» dedi Kanada premer-mınıstri.
Qytaı men Kanada arasyndaǵy shıelenis buǵan deıin de bolǵan. Kóptegen boljam boıynsha Qytaı tarapynyń Robert Lloıd Shellenbergke aýyr jaza shyǵarýy 1 jeltoqsanda Kanadada Huawei Technologies qarjy dırektory Men Vanchjoýdy tutqyndaýmen baılanysty dep otyr.
