Túpqaraǵan aýdanynda 2018 jyldyń 12 aıynda 18 órt oqıǵasy tirkeldi. Onyń ishinde 5 órt oqıǵasy avtokóliktere tirkelip otyr. О́rtterdiń negizgi shyǵý sebepterine keletin bolsaq avtokóliktiń elektr jabdyqtary qondyrǵylaryn qurý, paıdalaný talaptarynyń buzylýynan elektr jelileriniń qysqasha tuıyqtalý jaǵdaılary áser etýinen jáne qozǵaltqyshty jylytý maqsatynda ashyq otty paıdalaný kezinde órt qaýipsizdik erejelerin saqtamaýdan bolyp otyr.
Túpqaraǵan aýdanynyń Tótenshe jaǵdaılar bólimi jáne jergilikti polısııa qyzmetkerleri birlese Fort-Shevchenko qalasynyń, Baýtın aýyly turǵyndarynyń júrgizýshilerine avtokólikterde órt qaýipsizdik erejelerin saqtaý, órt kezindegi is-áreketter men alǵashqy órt sóndirý quraldaryn qoldaný erejeleri túsindirip, júrgizýshilerge avtokólikterdegi órt qaýipsizdik jadnamalary taratyp jatyr.
- Avtokólikke elektr dánekerleý jáne basqa otpen baılanysty jumystardy júrgizýdi tehnıkalyq nusqaýlyqtan ótken, ruqsat qujaty bar mamandarǵa tapsyryp, jasatý usynylady. Júrgizýshiler «О́rt qaýipsizdik erejesi» talaptarynyń saqtalýyn qamtamasyz etse eken, - deıdi Túpqaraǵan aýdanynyń Tótenshe jaǵdaılar bóliminiń bastyǵy, azamattyq qorǵaý maıory N.Aldjanov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
