Túrli salalarda sybaılas jemqorlyqtyń aldyn alý sharalaryn júrgizetin jobalyq keńseniń túsindirme jumystary bilim salasynan bastaldy.
О́ıtkeni, sońǵy jyldary bilim berý salasy sybaılas jemqorlyqqa beıim salalardyń alǵashqy bestiginen túspeı keledi.
Oblystyq Bilim basqarmasyna qarasty barlyq kolledjder men mektepterdiń basshylary qatysqan kezdesýde bilim salasyndaǵy sybaılas jemqorlyq táýekelderi jan-jaqty talqylandy.
Kezdesý barysynda bilim berý uıymdarynyń basshylary qaramaǵyndaǵy qyzmetkerleriniń quqyq buzýshylyqtary úshin jekeleı jaýapkershilikke tartylýy jóninde kelisimge qol qoıdy.
«Kelisim negizinde dırektorlar bilim mekemelerine bólingen bıýdjet qarajatynyń ashyqtyǵyn qamtamasyz etýdi jáne qyzmet babyn paıdalanyp qyzmetkerlerden, ata-analardan, stýdentterden syı-syıapattar almaýdy, aqsha jınaý faktilerin boldyrmaýdy jekeleı jaýapkershilikterine alady. Sonymen qatar, kolledjderde sessııalardyń taza ótýin qatań baqylaýda bolady», - dedi oblystyq Memlekettik qyzmet isteri jáne sybaılas jemqorlyqqa qarsy is-qımyl departamenti basshysynyń orynbasary Berikbol Baıqojaev.
Baqtııar TAIJAN,
«Egemen Qazaqstan»
Qyzylorda oblysy.
