QR IIDM málimetteri boıynsha, ishki naryqta ónimderdiń qaýipsizdigi men sapasyn qamtamasyz etý jáne eksportqa jaǵdaı jasaý maqsatynda 2018 jyly «Standarttaý týraly» QR zańy jáne oǵan ilespeli zańnamalyq ózgerister qabyldandy. Bıznesti jańa talaptarǵa qaıta baǵdarlaý úshin zańdardyń kúshine ený merzimi 2019 jyldyń 11 sáýirine belgilendi.
Eýropa elderiniń tájirıbesine negizdele otyryp qabyldanǵan zań standarttaýdyń halyqaralyq úlgisine ótýge jaǵdaı jasaıdy jáne mynalardan turady:
- standarttaý boıynsha jumystardyń biryńǵaı operatory retinde Ulttyq standarttaý organyn belgilep, ulttyq standarttaý júıesin qurý;
- «memleket-bıznes-tutynýshy» arasynda standarttardy konsensýstyq talqylaý ortalyǵy retinde standarttaý jónindegi tehnıkalyq komıtetter mártebesin arttyrý;
- biryńǵaı talaptardy belgileý maqsatynda tehnıkalyq erekshelikter arqyly memlekettik satyp alýda, salalyq zańnamada standarttardy, onyń ishinde sapasy boıynsha qoldaný aıasyn keńeıtý.
Budan ózge, IIDMB-3 mindetterin iske asyrý aıasynda árbir taýarlyq top boıynsha standarttan anyqtalmaq. Bul óndirýshilerdi joǵary sapaǵa baǵdarlaýǵa múmkindik beredi.
Jalpy, J. Qasymbektiń aıtýynsha, túzetýler ólshem quraldaryn kalıbrleýdi damytýdyń halyqaralyq úlgisin engizýge, ıaǵnı shyǵarylatyn ónim sapasyn arttyrýǵa baǵyttalǵan.
«О́nimdi ilgeriletý kezindegi tehnıkalyq kedergilerdi joıý boıynsha jospar ázirlendi. Basty sharalar retinde mynalar anyqtaldy: óńdelgen ónim týraly talaptardy zerdeleý jáne kelisý, standarttardy beıimdeý, sondaı-aq, qazaqstandyq akkredıtteý júıesine akkredıtteýden ótýge úmitker sheteldik sertıfıkattaý organdaryn tartýda akkredıttelgen jáne synaq ortalyqtary bazasyn daıyndaý. Qazirgi ýaqytta osy jospardy iske asyrýǵa kirisip kettik», — dep túıindedi J. Qasymbek.
Aıta ketý kerek ónimdi ilgeriletý kezindegi tehnıkalyq kedergilerdi joıý boıynsha jospar densaýlyq saqtaý, aýyl sharýashylyǵy mınıstrlikterimen birlese otyryp ázirlengen.
