PD derekteri boıynsha, ótken jyly elordada qoǵamdyq tártipti qorǵaýǵa Qazaqstan Respýblıkasy IIM-niń Ulttyq gvardııasynyń 2000-nan astam polısııa qyzmetkeri men áskerı qyzmetker qatysty, 550 patrýldik marshrýtty qamtydy, onyń ishinde: 300 jol jáne 250 jaıaý. Sonymen qatar qoǵamdyq tártipti qorǵaýǵa jáne saqtaýǵa kómektesetin 2 qoǵamdyq qurylym men 206 túrli uıymnyń toptary qatysty. Olardyń kómegimen ótken jyly 170 qylmys sheshildi, 13 myń 190 ákimshilik quqyq buzýshylyq anyqtaldy.
«Almaty qalasynyń úlesi, respýblıkadaǵy tirkelgen qylmystyq quqyq buzýshylyqtardyń 21,7%-yn quraıdy. Aýyr qylmystardy anyqtaý 46,4%-dy quraıdy (2,2%-ǵa jaqsarǵan), shabýyl – 74,4% (3,6%-ǵa jaqsardy), tonaý – 34,2% (1,3%-ǵa jaqsardy), bótenniń múlkin urlaý – 29,7% (0,7%-ǵa jaqsardy), páterlerden urlyq – 37,8% (1,0%-ǵa jaqsarǵan), bótenniń múlkin ıemdený – 100,0% (16,7%-ǵa jaqsardy), qorqytyp alý – 100,0% (5,6%-ǵa jaqsardy), buzaqylyq – 50,6% (5,5%-ǵa jaqsardy), alaıaqtyq – 58,0% (7%-ǵa jaqsardy)», - dep habarlady Almaty qalasy Polısııa departamentiniń resmı ókili, polısııa podpolkovnıgi Saltanat Ázirbek.
Sonymen qatar, ótken jyly buryn jasalǵan 6 myń 570 qylmys polısııa qyzmetteri men bólimshelerimen sheshildi, onyń ishinde 1 myń 531 burynǵy jyldardaǵy qylmystar boldy.
«2018 jyldyń qorytyndysy boıynsha tutastaı alǵanda barlyq jelilerdegi qylmystar sany azaıdy. Atap aıtqanda, asa aýyr qylmystar – 22,3%-ǵa azaıǵan, aýyr – 18,5%, óltirý – 23,6%, zorlaý – 15,6%, tonaý – 10,7%, bótenniń múlkin urlaý – 0,9%, páterden urlyq – 19,4%, qorqytyp alý – 15%, buzaqylyq – 33,4%-ǵa azaıǵan. Budan basqa, mas kúıinde jasaǵan qylmystardyń sany – 23,4-ǵa azaıdy», - dedi podpolkovnık S.Ázirbek.
Almaty qalalyq Polısııa departamentiniń Baspasóz qyzmeti
