16 Qańtar, 2019

Baǵaly metaldar naryǵy: ınvestısııa salǵandar ókinbeıdi

410 retkórsetildi

Bıyl álemdik naryqta baǵaly metaldardyń quny ósedi. Bul týraly BMO Capital Markets sarapshylary habarlady. 2019 jyldyń alǵashqy jartysynda 1 ýnsııa altynnyń baǵasy 1260 dollardyń tóńiregine turaqtaýǵa tıis. Úshinshi toqsanda 1300 dol­lar­ǵa kóterilip, jyl sońyn­daǵy kórsetkish 1270 dollar shamasynda bolady degen boljam bar. 

Altyn qymbattaıdy

Sarapshylar baǵaly metaldarǵa qatysty boljamdarynyń optımızmge toly ekenin aıtady. Túrli-tústi metaldar naryǵy ótken jyly makroekonomıkalyq daýyldyń soq­qysyna tap bolǵany baǵaǵa biraz ózgeris engizdi. Byltyr kúzge deıin dollar baǵamy men Federaldyq rezervtik júıe mólsherlemesi turaqty túrde kóterilip, álem elderindegi ortalyq bankterden altyn satyp alý qarqyny aıtarlyqtaı tómendegen. Buǵan qosa ınflıasııa, suranystyń álsireýi jáne ózge de qarjy salasynyń kúrmeýi qıyn máseleleri baǵaly metall qunynyń arzandaýyna áser etken edi. Soǵan qaramastan bıyl bul salaǵa ekonomıkasy basybaıly táýeldi elder úshin tıimdi bolatyn túri bar. Atap aıtqanda, jahandyq geosaıa­sı jaǵdaı men túrli táýekelderdiń ba­sym­dyǵy makroekonomıkalyq ak­tıvterdiń turaqtalýyna, onyń ishinde altyn baǵasynyń qalypty deńgeıde saqtalýyna múmkindik berýge tıis. Birtindep dollar baǵamy tómendep, esesine baǵaly metall qunyna belgi­lengen meje kóterile túsedi. Tek bir­qatar damýshy elder tarapynan sura­nys tómendeýi múmkin.

Bıyl kúmistiń 1 ýnsııasynyń quny 16 dollar shamasynda bolmaq. Iаǵnı, buǵan deıingi boljamnan 2 paıyzǵa tómen meje bekitilip otyr. Bir aıta keterligi, kúmistiń álemdik naryqtaǵy baǵasy ótken jyldyń sońynda birden 13 paıyzǵa arzandaǵan edi. 

Baǵaly metaldar naryǵynyń sarapshysy Oksana Lýkıcheva da 2019 jyly palladıı 28%-ǵa, al altyn 3%-ǵa deıin qymbattaýy múmkin ekendigin aıtady. Kerisinshe, kúmis pen platına quny tómendeıdi dep kútilýde. Onyń aıtýynsha, 1 ýnsııaǵa baǵasy – 1252 AQSh dollary, kúmis 14,80 dollar shamasynda bolady.

− Baǵaly metaldar naryǵyna áser etetin negizgi faktor – AQSh Federal­d­yq rezerv júıesiniń saıasaty. Eger bıyl paıyzdyq mólsherleme men baǵa­lardy jyldyń sońyna qaraı kóterýdi qarastyrsa, bul baǵaly metaldar naryǵy úshin myqty qoldaý bolady, – dedi sarapshy. 

Kúmis kúsheıýi múmkin

O.Lýkıcheva altynǵa ınvestısııany ýnsııasyna 1200 dollar bolǵan kezde salǵan tıimdi dep sanaıdy, ondaı jaǵdaıda onyń quny 1300 dollarǵa deıin kóteriledi deýge negiz bar. Al kúmis­ke ınvestısııa quımaǵan jón, se­bebi ónerkásiptik qoldanystyń úlesi óte joǵary. Sonymen qatar sarap­­shy altynǵa degen suranys ınf­lıa­sııaǵa ushyraǵan ekonomıkada, son­daı-aq sanksııa nemese geosaıasat qysy­myna tap bolǵan aımaqtarda joǵa­ry bolatyny baıqalatynyn aıtyp otyr. 

Dese de, enshisindegi kúmiske qatys­ty jaǵymdy boljamdar da bar. Blue Line Futures Prezıdenti Bıll Baýrch: 

– Byltyrǵy sátsizdikke qaramas­tan, kúmis óziniń óndiristik áserinen qutylyp, 2019 jyly onyń baǵasynyń ósim kórsetkishi altynnan asyp, mone­tarlyq metalǵa aınalady dep kú­tilýde. О́ıtkeni AQSh dollary Fede­raldyq rezervtiń jumysyna baılanys­ty álsi­reýi múmkin. Altynnyń jaǵ­daıy jaq­sarsa, ol kúmiske de oń yq­pal etýi kerek, – deıdi. 

Fransııanyń Natixis banki taratqan aqparat boıynsha kúmistiń baǵasy ári ketkende 18 dollarǵa jetedi, ortasha eseppen 16 AQSh dollary shamasynda saqtalady. Dál osyndaı mejeli boljamdy belgilep otyrǵan gollandııalyq bank ABN AMRO keltirgen aqparatqa súıensek, ortasha eseppen alǵanda kúmis quny ýnsııasyna 16,60 dollar bolmaq. 

Baǵaly metaldar sarapshysy Bernard Dahdanyń paıymdaýynsha, kúmiske degen suranys óndiristik sıpattan bólek, jekeleı suranys turǵysynan da artýy bek múmkin. Sarapshy soǵan saı baǵa da kóterilýge tıis ekenin jetkizdi. Onyń aıtýynsha, bıyl altynmen qosa kúmistiń de jaǵdaıy jaqsarýy ábden múmkin.

Investorlar úshin aıtylǵan árbir boljam men paıymnyń mańyzdy ekeni túsinikti. Osy rette gollandııalyq bank­­tiń valıýta jáne baǵaly metal­dar na­ryǵynyń úılestirýshisi Djord­jet Bole ınvestorlar baǵaly metal­ǵa qar­jy quıǵannan utpasa, utyl­maı­tynyn jetkizedi. Ol oblıgasııalar boıynsha kiristiń tómendeýi men AQSh dol­larynyń álsireýi kúmis baǵa­­sy úshin oń faktor ekenin mysalǵa keltirdi. 

Qarjy salasynyń belsendileri bul aqparattardy tıimdi paıdalanyp, keler jyly salynǵan ınvestısııalar nátıjesinde baǵaly metaldar quny kóteriledi degen boljam bar.

Platınaǵa suranys artady

Taıaýda dúnıejúzilik ınves­tı­sııalyq keńes avtokólik óndirýshiler tarapynan suranystyń tómendeýi saldarynan platına baǵasy arzandaýy múmkin degen boljam jasaǵan-dy. О́tken jyly platınanyń 1 ýnsııasy 505 myń dollar bolsa, bıyl 455 myń shamasynda bolmaq. 

Atalǵan keńes júrgizgen sarap­tamaǵa sáıkes, negizinen dızeldi qozǵaltqyshtar úshin avtokatalızatorlarda paıdalanylatyn platına qazir qoldanystan shyǵaryla bastaǵan. Onyń negizgi sebebi benzındi qozǵaltqyshy bar avtomobılderdiń naryqtaǵy úlesi kemigenimen baılanysty. Onyń ústine mundaı kólik quraldaryn óndirýshiler baǵasy jaǵy­nan arzanǵa túskendikten palladııdi kóbirek qoldana bastaǵan kórinedi.

Esesine, ónerkásiptik sektor bıyl platınaǵa degen suranysty arttyrýy yqtımal. Atap aıtqanda, munaı óńdeý jáne shyny óndirý salasynda aıtarlyqtaı ósim bolmaq. Sáıkesinshe, bul baǵaly metaldy Qytaı men Soltústik Amerıka el­deriniń naryǵy kóbirek satyp alýǵa nıetti. Atalǵan elderde óndiristik saladan bólek, hımııa sektorynda da platınaǵa suranys artady.

Qazirgi tańda platınaǵa degen ı­n­ves­tısııalyq suranys kólemi 250 myń ýnsııa mólsherinde. Eger bırjalyq qorlar ulǵaısa, baǵa da sharyqtaýy múmkin. Ázirge bul baǵaly metall baǵasynyń ósim kórsetkishi altynmen jáne palladıımen salys­tyrǵanda tómenirek bolady degen boljam jasalyp otyr.

Erkejan AITQAZY,

«Egemen Qazaqstan»

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Mammografııanyń ornyna tomosıntez keldi

Medısına • 17 Qańtar, 2020

Tekeli – eńbekshiler mekeni

Aımaqtar • 17 Qańtar, 2020

Jer ıesin tapsa ıgi

Aımaqtar • 17 Qańtar, 2020

О́zara teń dárejeli áriptestik

Qoǵam • 17 Qańtar, 2020

Qala mańyndaǵy mekender damıdy

Aımaqtar • 17 Qańtar, 2020

Shahar qurylysyna úles qosqym keledi

Qoǵam • 17 Qańtar, 2020

Mańyzy joǵary jaıttar qozǵaldy

Parlament • 17 Qańtar, 2020

Ǵasyrlarǵa ulasar uly tuǵyr

Rýhanııat • 17 Qańtar, 2020

«Ádilet, shapqat kimde bar...»

Rýhanııat • 17 Qańtar, 2020

Uqsas jańalyqtar