«Muǵalim mártebesi» zańyna qatysty 8 myńnan astam usynys túsken

Atalǵan zań jobasynda pedagog qyzmetimen baı­lanys­ty pedagogtardyń quqyq­tyq jaǵdaıyn sapaly jaq­sar­týǵa yqpal etip, olardy áleýmettik qorǵaýǵa kepildik beretin quqyqtyq, áleýmettik-eko­nomıkalyq qarym-qaty­nasty retteý kózdelgen. Bilim jáne ǵylym vıse-mınıstri E.Sýhanberdıevanyń aıtýynsha, zań jobasyn ázirleý barysynda Qytaı, Fınlıandııa, Qyrǵyzstan, О́zbekstan jáne basqa da shekaralas mem­leket­terdiń uqsas zańdary qaras­tyrylǵan.

Atap ótken jón, zań jobasy 2018 jylǵy jeltoqsan aıynda Almaty qalasynyń pedagogtar qaýymdastyǵymen birge talqylanǵan bolatyn. Al 2018 jylǵy 14 jeltoqsanda Ádilet mınıstrliginde zań qyzmeti máseleleri boıynsha ótken vedomstvoaralyq komıs­sııanyń otyrysynda «Pedagog mártebesi týraly» jáne «Qazaq­stan Respýb­lıkasynyń keıbir zańna­malyq aktilerine pedagog már­tebesi, muǵalim men oqýshy­ǵa júktemeni tómendetý másele­leri boıynsha  ózgeris­ter men tolyqtyrýlar engizý týraly» zańdardyń tujy­rymd­a­malary barlyq komıs­sııa múshe­lerinen biraýyz­dan qoldaý tapty. Son­daı-aq buqaralyq aqparat qural­­darynda, áleýmettik jeli­­lerde jáne pedagogıkalyq ujym­­­­darda zań jobasy belsen­di tal­qy­lanyp, 8 myńnan astam usy­nys kelip túsken. Biz olar­dyń barlyǵyn nazarǵa ala oty­ryp Úkimetke, Májilis pen Senat­tyń qaraýyna usynamyz. Sodan keıin maýsym aıynda Elba­sy qol qoıady» dedi vıse-mınıstr. 

Sondaı-aq zań jobasynda muǵalimderge jylyna saýyq­t­yrýǵa qazirgideı bir emes, eki jalaqy kóleminde kómek berý qaralǵan. Dápter tekserý men synyp jetek­shi­ligine 15 myń teńgedeı qosy­lady. Jas muǵalimderge tálim­ger­lik jasaǵandar men ǵyly­mı ataǵy bar ustazdarǵa da qosym­sha aqsha tólenedi. Bul jańa­shyl­dyqtardyń kópshi­ligin pedagog­tardyń kásipodaǵy usynǵan.

«Balabaqshada jumys isteı­tin ádiskerlerimiz 42 kún dema­lady. Al endi mektepte, joǵary oqý oryndarynda, kolledjderde jumys isteıtin ustazdardyń bárine birdeı 56 kún eńbek de­malysy beriledi degen sı­pattaǵy normany zań jobasyna qostyq» dedi Bilim jáne ǵy­lym qyzmetkerleri salalyq kásip­odaǵy tóraǵasynyń orynbasary Aıgúl Muqasheva. 

Zań jobasy 6-taraý jáne 21-baptan turady. «Pedagog mártebesi týraly» zań jobasynda pedagog mártebesi jáne onyń pedagogıkalyq qyzmeti, pedagog ádebi, pedagogtyń ar-namysy men qadir-qasıetin qorǵaý, pedagogke kásiptik qyz­metke ruqsat berý másele­leri qarastyrylǵan.

Raýan QAIDAR,

«Egemen Qazaqstan»