Atamekenge oralǵan aǵaıynnyń jaǵdaıy - jiti nazarda

Maqalada О́zbekstannan Rýdnyı qalasyna kóship kelgen Yqtııar men Shárgúldiń (Qujat boıynsha – Ihtıer Sarsanovıch Týhtıbaev, Sharıgýl Kalkamanovna Nýrmahanova – red.) otbasy oralman mártebesin alǵanymen, jarty jyldaı jumysqa ornalasa almaıtyny, onyń negizgi sebebi oralman mártebesin alǵannan soń úsh aıdyń ishinde yqtııarhat, odan keıin taǵy úsh aıdan soń azamattyq beriletini, al jeke zeınetaqy shotyn ashtyrý úshin jeke kýálik pen jeke sáıkestendirý nómirin usynýy kerektigi aıtylǵan bolatyn. Iаǵnı, olar «Halyqtyń kóshi-qony týraly» zańnyń 23-baby 2-tarmaǵynyń 5-tarmaqshasynda oralmanǵa «Qazaqstan Respýblıkasynyń zańnamasyna sáı­kes jumyspen qamtýǵa járdemdesý qamta­masyz etiledi» dep kórsetilgenimen, «Zeınetaqymen qamsyz­dandyrý týraly» zań men Eńbek kodeksiniń talaptaryna sáıkes jumys isteı almaı otyr. 

Osy oraıda atalǵan maqalada aı­tylǵan ózekti máseleniń sheshimin tabýdy júk­tegen Elbasy Nursultan Nazarbaev­­tyń tapsyrmasyna sáıkes, Qostanaı ob­ly­synyń basshylyǵy tómendegi jaıt­ty habarlady. Qysqasha toqtalar bol­saq, úsh balasy bar bul otbasy oral­man mártebesin 2018 jyldyń 31 qaza­nynda alǵan. Jumysqa ornalasýǵa kómek kórsetý máselesimen Rýdnyı qala­synyń jumyspen qamtý ortalyǵyna júgin­begen. Al Kóshi-qon qyzmetine turǵy­lyqty jerinde qaldyrý týraly ótinish­hatty 2018 jyldyń 30 qarashasynda berdi. Sh.K.Nurmahanova úı-jaıdy jınap, tazalaýshy retinde jumysqa ornalasý máselesimen Rýdnyı ındýstrıaldyq ınstıtýtyna júgingen bolatyn. Bi­raq zeınetaqy shotynyń joqtyǵy se­bepti olar jumysqa ornalastyrýdan bas tartty. Jeke zeınetaqy shotyn ashý jóninde «BJZQ» AQ oblystyq fılıa­­lyna júgingenimen, Qazaqstan Respýb­­lı­kasy azamatynyń nemese Qazaq­stan Res­pýb­lıkasynda turaqty tura­tyn sheteldiktiń/azamattyǵy joq adam­nyń jeke basyn kýálandyratyn quja­tyn usynbaýy sebepti, olar da bas tartty. Al Qostanaı oblysy Po­lısııa departamentiniń Kó­shi-qon qyz­meti basqarmasy turǵy­lyqty jerde qal­dyrý týraly ótinish­hat­ty 2018 jyl­ǵy 29 jeltoqsanda qanaǵat­tandyrdy. Azamattar I.S.Týhtı­baev, Sh.K.Nur­ma­hanova jáne A.S.Taıba­ǵa­rova «she­teldik azamattyń turýǵa yqtııar­haty» kýálikterimen qujattandyryldy.

I.S.Týhtıbaevty zaıybymen 2018 jyl­ǵy 29 jeltoqsanda oblys ákimi qa­byl­dap, olarǵa jumysqa ornalasý múmkin­digi, ataýly áleýmettik kó­mek taǵaıyn­daý jáne barlyq tıesili sýbsı­dııa­­lardy tóleı otyryp, oralmandardy qabyldaýdyń óńirlik kvotasyna engizý týraly túsindirildi.
Qazirgi ýaqytta I.S.Týhtıbaevtyń ot­­basyna aǵymdaǵy jylǵy qańtar aıyn­da turǵyn úıdi jaldaý jáne kommý­nal­­dyq qyzmetterdi óteý úshin Rýdnyı qala­­synyń demeýshileri 35 myń teńge kóle­minde kómek kórsetti. Sondaı-aq 20 myń teńge kóleminde tamaq ónimderin satyp alý arqyly materıaldyq kómek kórse­tildi.

Sonymen birge ákimdiktiń hatynda I.S.Týhtıbaevtyń aǵymdaǵy jylǵy qań­tar aıynda Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda qoǵamdyq jumystarǵa jiberiletini, son­daı-aq zaıyby Sh.K.Nurmahanova men qyzy A.S.Taıbaǵarovaǵa jumysqa orna­lasýdyń birneshe nusqasy usynylǵany aıtylǵan. 

Bul máseleni «Egemen Qazaqstan» gaze­ti aldaǵy ýaqytta jiti nazarynda ustaıdy.