Reuters agenttiginiń habarlaýynsha, Kenııa quqyq qorǵaý organdary Naırobıdegi lańkester shabýyl jasaǵan qonaqúı keshenindegi adamdardy qutqaryp jatyr.
Atylǵan oqtardyń dybysy estilip turǵan qonaqúı kesheninen 50-ge jýyq adam evakýasııalanǵan.
Kenııa Ishki ister mınıstriniń málimdeýinshe, polısııa keshenniń barlyq ǵımaratyn baqylaýyna alǵan, onyń aýmaǵyn tazartý jumystary aıaqtalar sátke jaqyndaǵan. «Ásh-Shabab» radıkaldy toby lańkestikke jaýapkershilikti ózine alyp otyr.
Qaza bolǵandardyń on biri – kenııalyq, ekeýi AQSh jáne Ulybrıtanııa azamattary ekeni anyqtaldy. Qalǵan eki adamnyń jeke kýálikteri bolmaǵan.
