«Atalǵan fakti boıynsha Qaraǵandy oblystyq polısııa departamenti Tergeý basqarmasymen QR QK 99 baby 2 tarmaǵynda kózdelgen qylmys belgileri boıynsha sotqa deıingi tergeý júrgizilip jatyr. Búgingi kúni keshendi tergeý sharalarynyń nátıjesinde atalǵan qylmysty jasaýǵa qatysy bar barlyq tulǵalar anyqtaldy. Qazirgi ýaqytta olardy ustaýǵa baǵyttalǵan jumystar júrgizilip jatyr. Qylmyskerlermen aradaǵy qaqtyǵysta qaza tapqan ınspektordyń týǵan-týystary men jaqyndaryna kóńil aıtamyz», - dedi Almas Sadýbaev.
Osydan birneshe kún buryn 5 kıik atqan brakonerlermen qaqtyǵysta aýyr jaraqat alǵan «Ohotzooprom» О́B» RMQK ınspektory Erlan Nurǵalıev qaıtys bolǵan edi. Al búgin Parlament Májilisinde tilshilerge Bas prokýrordyń orynbasary Andreı Lýkın bul isti Bas prokýror Qaırat Qojamjarov tikeleı baqylaýyna alǵanyn aıtty.
