Qonaqtar aldymen qurylysty júrgizetin kompanııalardyń jumysshylarymen kezdesip, olardyń eńbek jaǵdaıymen tanysty.
Túrkistan qalasynyń bas jospary boıynsha 7,7 gektar aýmaqqa ákimshilik iskerlik-ortalyǵy salynatyn bolady. Onda oblys ákimshiligi, basqarmalar men aýmaqtyq departamentter úıiniń ǵımarattary boı kóteredi. Qurylys jumystary aǵymdaǵy jyldyń qańdar aıynda bastalyp, 2020 jyldyń naýryz aıynda aıaqtalady dep kútilýde.
Sondaı-aq, Astana qalasynyń tapsyrysy boıynsha shahardyń shyraıyn arttyratyn «Astana» alańy boı kóteretin bolady. Onyń qurylys jumystary 2019 jyldyń naýryz aıynda bastalyp, 2020 jyldyń jeltoqsan aıynda aıaqtalady. 4,7 gektar aýmaqqa salynatyn nysannyń qurylys jumystaryna 100 adam jumyldyrylmaq.
Sonymen qatar, «Samuryq-Qazyna» ulttyq ál-aýqat qory» aksıonerlik qoǵamynyń tapsyrysymen 1000 adamǵa shaqtalǵan Kongress ortalyq salynatyn bolady. Mádenı oshaqtyń qurylys jumystary kelesi aıda bastalyp, 2020 jyldyń sońynda aıaqtalady. Nysannyń jalpy aýmaǵy 3 gektardy, al ǵımarattyń jer kólemi 14 200 sharshy metrdi quraıdy.
Odan bólek, «Samuryq-Qazyna» ulttyq ál-aýqat qory» aksıonerlik qoǵamy Oqýshylar saraıynyń qurylysyn júrgizýge tapsyrys jasaǵan. 1 gektar jerdiń 10 000 sharshy metrine zamanaýı úlgidegi sáýletti ǵamarat turǵyzylatyn bolady. Qurylys jumystary osy jyldyń aqpan aıynda bastalyp, 2020 jyldyń jeltoqsan aıynda paıdalanýǵa beriledi.
Aıta keterligi, búginde Túrkistan qalasynda salynatyn ǵımarattardyń jer telimderi belgilenip, jobalar bekitilgen.
