– Tehnoparkke shilde aıynan bastap ornalasa bastadyq. Jarty jyldyń ishinde 4 qabat túgel toldy. Kovorkıng aımaqtarǵa arnalǵan 3 qabatqa IT-startaperler – ınkýbasııa men akselerasııalarǵa qatysatyndar keldi, taǵy bir qabat burynnan bar IT- kompanııalarǵa berildi. Habta qazir halyqaralyq jáne qazaqstandyq kompanııalardyń ortalyqtary bar,– dep habarlady bizge Astana Hub ókili.
Akselerasııa men ınkýbasııalarǵa qatysýǵa nıettilerden jarty jyl ishinde 513 ótinish tústi. 550-ge tarta adam tehnoparktiń ınfraqurylymyn paıdalanýǵa múmkindik alypty. 185 joba jasalyp, 47 akselerasııa jobasy shyǵaryldy. 200-den astam túrli shara ótip, oǵan 11 myńnan astam adam qatysty. Startaptarǵa 150 mıllıon teńge ınvestısııa tartylǵan. Ondaǵan sheteldik kompanııamen áriptestik baılanys jolǵa qoıylǵan.
Jalpy, álem boıynsha jyl saıyn ashylǵan ár saladaǵy startap kompanııalardyń 90 paıyzy túrli sebeptermen sol jyly-aq jabylyp qalady eken. Birine ınvestısııa jetpeıdi, endi biriniń ıdeıasy ómirsheń emes degendeı. Astana Hub osyndaı startaptarǵa jol kórsetip, ınfraqurylym usynyp, ınvestısııa tartýǵa, naryqqa sińýine kómektesetinin aıta keteıik.
BIM SPACE –
vırtýaldy shynaıy bólme
Sultan Markenov usynǵan jańa BIM SPACE vırtýaldy shynaıy bólme áli salynbaǵan, jobasy ǵana jasalǵan qandaı da bir nysandy ishi-syrtynan tamashalap kórýge múmkindik beredi. Joba avtory onyń qurylys holdıngterine, munaı-gaz sektoryna, ındýstrııalyq kásiporyndarǵa, ýnıversıtetterge, ǵylymı-zertteý ortalyqtaryna, ákimdikterge kerek ekenin aıtady.
Sultannyń jańalyǵy úsh qabyrǵasy, tóbesi men edeni bar shaǵyn bólmeden turady. Bólmege kirip, kádýilgi kınoteatrlarda kıip júrgenge uqsas 3D kózildirikti kıip, usynylǵan nysandy, ne bolmasa kúrdeli jańǵyrýdan ótken iri zaýytty kórip, asyqpaı aralap shyǵasyz. Kóz aldyńyzdaǵy kórinistiń aýqymy bolashaq nysanmen birdeı.
BIM SPACE vırtýaldy shyndyq bólmesiniń tıimdi jaqtary týraly ony jasaýshy jigit bylaı deıdi:
– Bir nysandy salý kezinde, ne bolmasa iri kásiporyndy jańǵyrtý barysynda bastapqy joba men tapsyrys berýshi kútken sońǵy nátıje saı kelmeı jatatyn kezder bolady. Mysaly, tehnıkalyq, dızaınerlik jaǵynan erekshelikter bolýy múmkin. Ony tapsyrys berýshiniń talabyna saı qaıta ózgertý qosymsha ýaqyt pen shyǵyndy qajet etetini belgili. Al BIM SPACE vırtýaldy shynaıy bólme arqyly tapsyrys berýshi men jobany júzege asyrýshy vızýaldy túrde 3D modelde bárin egjeı-tegjeıli kórip shyǵa alady, – deıdi.
Qysqasy, BIM SPACE proeksııasymen jobany aldyn ala kórý, qajetti ózgeristerdi engizý jumystyń tapsyrys berýshiniń kóńilinen shyǵýyna kómegin tıgizedi. Oǵan qosa eki taraptyń da ýaqytyn únemdeıdi, artyq shyǵynnan qutqarady. Bul, máselen, qurylys jumystaryn jyldamdatýǵa, tapsyrys kólemin ulǵaıtýǵa, sapany kóterýge septigin tıgizedi.
Sultan Markenovtiń jańalyǵy álemde buryn-sońdy bolmaǵan deýden aýlaqpyz. Osyǵan uqsas jumystardy oryndaıtyn kompanııalar bar. Olardyń naryqtaǵy baǵasy da belgili. Máselen, qazaqstandyq startaperge básekeles kompanııalar ár tapsyrys úshin mynadaı soma qarajat tóleýi kerek: Barco – 1 130 000 – 3400 000 $, imsys 365 000$, Viscon – 340 000$, 3Dims - 325 000$, IC.IDO – 570 000$... Al BIM SPACE vırtýaldy shynaıy bólmege tapsyrys berý aqysy bulardan áldeqaıda tómen. Buǵan deıin jańalyǵyn bir márte satyp, tabys tapqan Sultan Markenov jyl sońyna deıin taǵy 3 tapsyrys oryndaýdy josparlap otyr.
Arnur ASQAR,
«Egemen Qazaqstan»
