Bul kúnderi AQSh-tyń «LDS Charites» qaıyrymdylyq qory jáne qazaqstandyq «Táýelsiz ómir «DOS» ortalyǵy» qaıyrymdylyq birlestigi men «Ýaqyp» qaıyrymdylyq qory elimiz boıynsha múmkindigi shekteýli jandarǵa 300-den astam arbany tegin syıǵa berip jatyr.
О́ńirdegi arbaǵa muqtaj múmkindigi shekteýli jandarǵa berilgen 21 arbanyń 19-y «LDS Charites» qaıyrymdylyq qorynan bolsa, qalǵan eki arba «Táýelsiz ómir «DOS» ortalyǵy» qoǵamdyq birlestigi arqyly alyndy.
Birlestiktiń atqarýshy dırektory Anar Omarovanyń aıtýynsha, «DOS Ortopedia» atty arbalar - qazaqstandyq alǵashqy brend. Onyń standartty jáne elektrondy túri bar.
Oblystyq Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, aramyzda bıýdjettiń kómegi arqyly arba ala almaıtyn múmkindigi shekteýli jandar az emes. Sondyqtan, olar birneshe jyl ótinish berip, kútedi. Joba týraly estip, ózderi habarlasyp jatqandar bar. Qaıyrymdylyq jobasy aıasynda bul quraldardy buǵan deıin arbasyz júrgender jáne arbasy eskirgender de aldy.
Jalpy, óńirimizde bıýdjet esebinen 2017 jyly 1500-ge jýyq adamǵa arba berilse, ótken jyly kezekke 400-ge jýyq adam turǵan.
Farıda BYQAI,
«Egemen Qazaqstan»
PAVLODAR
Sýretti túsirgen Orazbek SAIаHAT
