Sondyqtan, ótken jyly óńirdiń aýdandarynda kınologııa qyzmeti jumysyn bastady. Ár aýdanǵa bir ıt bólingen. Qazir arnaıy mamandar ıtpen jumys isteýdi úırenýde. Aldaǵy ýaqytta kınologtar Almatyda oqý men jattyǵýdan ótedi. Oblys ortalyǵynda izderdi ıis arqyly anyqtaýǵa múmkindik beretin odorologııalyq zerthana ashyldy. Zerthanada krımınalıst mamandar qylmys oryn alǵan jerden birneshe ıis alady.
Al, kınologııalyq qyzmet ortalyǵynda 29 ıt bar. Olarmen 11 kınolog jumys isteıdi.Kınologtardyń aıtýynsha, aýdandardaǵy oryn alǵan qylmysqa oblys ortalyǵyndaǵy ıtterdi jiberý arqyly ýaqyt ketedi. Aýdandarda qylmysty jedel ashý úshin kınologııa qyzmeti ashylýda.
Kınologtarda ıis sezgish, dál anyqtaıtyn «Ýllıs esimdi, «Rıo» atty ıtter bar. О́tken jyly qoqystan tabylǵan sábıdiń anasyn ıis arqyly polıseıdi sol úıge alyp barǵan.
Oblystyq polısııa departamentiniń kınologııalyq qyzmet ortalyǵynda spanıel, labrador tuqymdy ıttermen, nemis jáne belgııalyq ovcharkalary polıseılermen birge qyzmet etýde.
Ár ıttiń óz qojaıyny, atqaratyn mindeti bar. Qyzmettik ıtter 8 jyldan qyzmet etedi.
Farıda BYQAI,
«Egemen Qazaqstan»
PAVLODAR
