Uly dalanyń jeti qyryn aıqyndap beretin bul maqalada Prezıdent Túrki dúnıesi halyqtarynyń, onyń ishinde saqtar men ǵundar jáne basqa túrki halyqtarynyń dúnıe tarıhynda mańyzdy ról atqaryp, álem órkenıetine jáne mádenı damýyna salmaqty úles qosqanyna erekshe mán beredi. Sebebi árbir halyq óziniń ejelgi tarıhyn, qaıdan, qalaı paıda bolǵanyn bilmeı turyp, qazirgi tarıhyn bile almaıdy. Sondyqtan da bul maqalanyń dál kezinde jaryq kórgenin atap ótken oryndy.
Prezıdent maqalasynda túrki halyqtarynyń ǵasyrlardan qalyptasyp, ýaqyttan ozyp, urpaqtan urpaqqa mura bolyp kele jatqan tarıhyn ulyqtaý, nasıhattaý arqyly ózimizdi tanyp bilýge, baı rýhanı murasyn, ádebıeti men mádenıetin, tarıhy men tilin zerttep, babalar dástúrin jalǵastyrýǵa shaqyrady. Ony júzege asyrý úshin mańyzdy 6 tapsyrma: «Arhıv – 2025» baǵdarlamasyn jasaýdy, «Uly dalanyń uly esimderi» atty oqý-aǵartý ensıklopedııalyq saıabaǵyn ashýdy, «Túrki órkenıeti: túp-tamyrynan qazirgi zamanǵa deıin» atty jobany qolǵa alýdy, «Uly dala» atty ejelgi óner jáne tehnologııalar mýzeıin ashýdy, «Dala folklorynyń antologııasyn» jasaýdy, Qazaqstannyń órkenıet tarıhynyń úzdiksiz damýyn kórsetetin derekti-qoıylymdyq fılmderdiń, televızııalyq serıaldar men tolyqmetrajdy kórkem kartınalardyń arnaıy sıklin óndiriske engizýdi tez arada qolǵa alýdy júkteıdi.
Elbasy maqalasyndaǵy bul baǵyttar men bastamalardy qoldap, júzege asyrý búkil qazaqstandyqtardyń mindeti.
Patıgúl Mahsatova,
Qazaqstan Jazýshylar odaǵy janyndaǵy Uıǵyr ádebıeti keńesiniń tóraıymy
