Alaıda az ǵana ýaqyt ishinde bul ortalyq shertpe kúı ónerin nasıhattaý jolynda birqatar jobany júzege asyryp úlgerdi. Taıaýda oqýshy balalar úshin dombyrada oınaý sheberlik synybynyń uıymdastyrylǵanyn da osy ıgi isterdiń qataryna jatqyzýǵa bolady. Dáristi dáýlesker kúıshi, shertpe kúı ónerin bıik deńgeıge kóterip ketken Dáýletbek Sádýaqasulynyń balasy, ózi de tanymal dombyrashy Qaırolla Sádýaqasov ótkizdi.
Áke jolyn qýyp, ustazdyqqa den qoıǵan kúıshi jas balalarǵa dombyranyń qurylysy, onyń qıly tarıhy jaıly egjeı-tegjeıli aıtyp berdi. Qazaqtyń qasıetti aspaby týraly mol maǵlumatqa qanyq bolǵan oqýshylar
«Kúı-kerýen» ortalyǵyndaǵy qundy jádiger – jasalǵanyna 100 jyl bolǵan dombyrada kúı tartý múmkindigine ıe boldy.
– Árbir ustaz úshin halyq shyǵarmashylyǵyn tanymal etýdiń mańyzy zor. Birinshi kezekte biz óskeleń urpaqty ulttyq dástúrlerimizdi dáriptep ósetindeı etip tárbıeleýimiz kerek. Halyq dástúri qasıetti, al dástúrdi qurmetteý – árkimniń mindeti, – deıdi «Kúı-kerýen» ortalyǵynyń dırektory Qaırolla Sádýaqasov.
Qaırat ÁBILDA,
«Egemen Qazaqstan»
QARAǴANDY
