О́tken jyly 45 turaqty komıssııa otyrysy ótkizilip, onda 90 másele qaralǵan. Sonymen qatar, 400-ge tarta kóshpeli otyrys ótkizilgen. Depýtattar qoǵamdyq kólikterde qyzmet kórsetý sapasyn baqylap, múmkindigi shekteýli jandardyń júrip-turýy úshin jasalǵan jaǵdaıǵa nazar aýdarǵan. Turǵyndardan kelip túsken ótinishter negizinde jergilikti atqarýshy organdarǵa 158 depýtattyq hat joldanypty.
Sonymen birge, qalalyq máslıhat depýtattary qaıyrymdylyq sharalaryna qatysqan. Olar «Tegin IT-synyptar» jáne «Mektebime taǵzym» jobalary aıasynda birneshe depýtat mektepterge kompıýterler satyp alý úshin 3 mıllıon teńge kóleminde demeýshilik kórsetken.
Sondaı-aq, Jelezın aýdany Alakól orta mektebine smart-teledıdar syıǵa tartsa, Baıanaýyl aýylynda tarıh kabıneti ashyldy.Tipti, sý tasqynynan zardap shekken Shyǵys Qazaqstan oblysynyń turǵyndaryna qurylys materıaldaryn jóneltti. Oblys ortalyǵyndaǵy shaǵyn aýdan turǵyndary da kómek kórsetti. Jalpy, ótken jyly depýtattar qaıyrymdylyq sharalaryna 12 mıllıonnan astam teńge qarjy jumsaǵan.
Farıda BYQAI,
«Egemen Qazaqstan»
PAVLODAR
