О́zbekstannyń astanasynda ótken jıynda túrli memleketterden kelgen 500-ge jýyq dzıýdo sheberleri qatysty. Olardyń deni – jergilikti órender. Sonymen qosa, Reseı óziniń úsh komandasyn alyp keldi. Qazaqstannyń beldi balýandary arasynan tek álem chempıonatynyń kúmis júldegeri Erlan Serikjanov pen Azııa oıyndarynyń jeńimpazy Dıdar Hamza ǵana Tashkentke bara alǵan joq. Olar elde qalyp, eski jaraqattaryn emdetýde. Esesine jastar quramasy sapyndaǵy taǵy 10 sportshyny osy synaqtan ótkizdik deıdi ulttyq komandamyzdyń bas bapkeri Aıdyn Smaǵulov.
Qazirgi kezde otandyq dzıýdoshylar Japonııada ótetin oqý-jattyǵý jıynyna qamdanýda. Odan keıin Olımpııa oıyndaryna qatysý úshin upaı beriletin reıtıngtik týrnırler bastalady. Alǵashqy synaq Parıjde ótedi. Qazaqstannyń balýandary da sol Grand Slam týrnırine qatysýdy kózdep otyr.
Ǵalym SÚLEIMEN,
«Egemen Qazaqstan»
