«Bul kelisimge 2018 jyly naýryzda Astana qalasynda qol qoıyldy. Kelisimdi ratıfıkasııalaý jaǵdaıynda kóshi-qon aǵymdaryn retteý men azamattyq máselelerdi sheshý úshin qolaıly jaǵdaı jasalady. Qujat birqatar baǵyt boıynsha aqparat almasýdy kózdeıdi. Osy oraıda, statıstıkalyq, quqyqtyq jáne ǵylymı-ádistemelik aqparat, taraptaǵy memleketter aýmaqtaryndaǵy elder azamattary týraly málimetter eskeriledi. 2018 jylǵy shildede kelisim Tájikstan Parlamentimen ratıfıkasııalanǵan» dedi Ishki ister mınıstri Qalmuhanbet Qasymov.
Eki el arasyndaǵy atalǵan kelisim kóshi-qon salasyndaǵy ekijaqty yntymaqtastyq úshin quqyqtyq negiz qurýǵa baǵyttalǵan. Kelisim eki eldiń kóshi-qon zańnamasy týraly, onyń ishinde kóshi-qon prosesterin retteýdi, pana jáne azamattyq berý tártibi týraly málimettermen almasýdy júzege asyrý úshin qolaıly jaǵdaı jasaýdy, zańsyz kóshi-qonǵa qarsy kúresýdi anyqtaıdy.
Osy kelisimniń sheńberinde taraptar ulttyq zańnamalarǵa jáne halyqaralyq sharttarǵa sáıkes eki el aýmaǵynda eńbek resýrstaryn tartý salasynda memlekettik organdar men sharýashylyq sýbektileri arasyndaǵy yntymaqtastyqqa járdemdesedi.
