«Elimizde 2018 jyldyń qazan aıyna dıspanserlik esepte turǵan qant dıabetimen aýyratyn naýqastardyń sany 326 449 adamdy quraǵanymen, naýqastardyń naqty sany resmı kórsetkishterden aıtarlyqtaı asyp túsedi. Medısına qyzmetkerleriniń aıtýynsha, qazaqstandyqtardyń kópshiligi qandaǵy qant deńgeıin baqylaýǵa erekshe mán bermeıdi, densaýlyq jaǵdaıyna nemquraıly qaraıdy, sonyń saldarynan óz syrqaty týraly kesh bilip jatady. Halyqaralyq dıabet qaýymdastyǵynyń málimetteri boıynsha, Qazaqstanda 700 myńǵa jýyq qant dıabetimen aýyratyn naýqas bar, jáne qant dıabeti elimizde indet sıpatyna ıe bolǵan», deıdi D. Nóketaeva.
Qant dıabetine shaldyqqan balalardyń ata-analary sońǵy birneshe jyl ishinde memlekettik organdar men densaýlyq saqtaý mınıstrligi nemquraılylyq tanytqanyn ókinishpen jetkizgenin atap ótti.
Sondaı aq depýtat atalmysh máselege qatysty BAQ-ta tek «Egemen Qazaqstan» gazetinde atalǵan jaǵdaılar boıynsha birneshe maqalalar shyǵyp, Almaty qalasynda qant dıabetiniń 1-túrine shaldyqqan balalardyń ata-analarynyń qatysýymen birneshe baspasóz konferensııalardyń ótkenin aıtty.
«Olardy mazalaıtyn eń basty másele Qazaqstan Respýblıkasy Densaýlyq saqtaý mınıstrliginiń «Áleýmettik máni bar aýrýlardyń jáne aınaladaǵylar úshin qaýip tóndiretin aýrýlardyń tizbesin bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 21 mamyrdaǵy № 367 buıryǵyna ózgerister engizý týraly» normatıvtik quqyqtyq aktisiniń jobasy bolyp otyr», deıdi depýtat.
Jobaǵa sáıkes qant dıabeti, jańa dınamıkalyq baqylaýǵa alynatyn syrqattar tizbesine engizý syltaýymen, áleýmettik mańyzy bar aýrýlar tiziminen alynyp tastalmaq.
Ata-analardyń aıtýynsha, qazirdiń ózinde dıabettik qamtamasyz etý, birinshi kezekte dári-dármektermen 100%-ǵa qamtylmaǵan.
Sonymen qatar Dınar Nóketaeva Densaýlyq saqtaý mınıstrligine birqatar usynystar jasady:
1. Qant dıabeti boıynsha ulttyq jospar ázirleý jáne qabyldaý;
2. Qant dıabetin áleýmettik mańyzy bar aýrýlar tiziminde qaldyrý;
3. «Dıabet jáne balalar» vedomstvoaralyq josparyn qabyldaý;
4. Rezervtik ınsýlındik qor qurý;
5. Tegin medısınalyq kómek kólemi aıasynda glıýkagondy satyp alý praktıkasyn jalǵastyrý;
6. Sanatorly-kýrorttyq úlgidegi qant dıabeti bar balalar men jasóspirimderge arnalǵan ońaltý ortalyǵyn qurý;
7. Tekserý merzimdiligin: orta medısına qyzmetkeriniń tekserýi – aıyna 1 ret, bastapqy medısınalyq-sanıtarlyq kómek dárigeriniń tekserýi – 3 aıda 1 ret, endokrınologtyń tekserýi – 3 aıda 1 ret etip ózgertý;
8. Qant dıabetimen ómir súrý daǵdylaryna úıretý boıynsha mamandandyrylǵan «mektepter» uıymdastyrý;
Depýtat D. Nóketaeva mınıstr E. Birtanovtan atalǵan usynystardy qarastyrýdy jáne tıisti sharalar qabyldaýdy surady.
