Qalmuhanbet Qasymov kúdiktiler arasynda Qyzylorda oblysynyń turǵyndary bar ekenin, sondaı-aq olar oqıǵa ornynan jasyrynǵanyn aıtty.
«Erlan Nurǵalıevtiń ólimine kúdiktiler arasynda Qyzylorda turǵyndary bar. Qyzylorda oblysy Polısııa departamentiniń qyzmetkerleri baǵyttama málimet taratty. Kólik pen adamdardyń kim ekeni anyqtaldy. Kýágerler bar, ol jerde eki kólik bolǵan. Qazir izdeý jarııalandy», dedi Q.Qasymov.
Sondaı-aq mınıstr jaraqat alǵan ınspektordy aýrýhanaǵa jetkizýge kóp ýaqyt ketti degen aqparatqa qatysty jaýap berdi.
«Qoryqshy nege kólikpen jetkizilmedi desek, qylmyskerler qylmys ornynan keter aldynda kólik kiltin alyp, navıgatordy julyp tastaǵan. Sondyqtan ekinshi kólik olardy birden taba almaǵan. Árıne, sol sebepten ony aýrýhanaǵa jetkizý úshin ýaqyt joǵaltyp aldyq. Biz tańerteńnen beri jetkizgimiz kelgen, biraq túske deıin aýa raıynyń qolaısyzdyǵyna baılanysty tikushaqpen bara almadyq. Biz tótenshe jaǵdaılarǵa arnalǵan tikushaqty paıdalana almadyq, áýege kóterilýge ruqsat bermedi. Biz «adam óltirý» babymen is qozǵadyq. Bul adamdar áli ustalǵan joq. Olar eki kólikte bolǵan. Biraq qylmysqa bir kóliktegi úsh adam barǵan. Keıbireýlerin anyqtadyq, solar arqyly negizgi qylmyskerlerdiń kim ekenin bildik. Málimetter bolǵan jaǵdaıda birden habarlaımyz», dedi Q.Qasymov.
Eske salsaq, Qaraǵandy oblysynyń Nura aýdanynda brakonerler ınspektorlarǵa qarýly qarsylyq tanytyp, olardy soqqyǵa jyqqan bolatyn. Saldarynan eki ınspektor aýyr jaraqat alyp, biri kóz jumdy.
