Qarjy • 17 Qańtar, 2019

Ár tórtinshi zaem «Nurly jer» baǵdarlamasy boıynsha berilgen

336 retkórsetildi

2019 jyly Turǵyn úı qurylys jınaq banki («Báıterek» holdınginiń enshiles uıymy) «Nurly jer» baǵdarlamasy boıynsha salymshylaryn 59,7 mlrd teńgege nesıelendirýdi josparlap otyr. Memlekettik baǵdarlama aıasyndaǵy bank klıentterine arnalǵan turǵyn úı eldiń barlyq aımaǵynda satylatyn bolady. Bul týraly búgin Úkimette ótken baspasóz máslıhatynda Turǵyn úı qurylys jınaq bankiniń basqarma tóraıymy Lázzat Ibragımova aıtty.

2018 jyldyń qorytyndysy boıynsha jalpy somasy 64 mlrd teńge bolatyn 8 659 páter satylǵan. Al jalpy «Nurly jer» júzege asyryla bastaǵaly beri, ıaǵnı 2016 jyldyń aıaǵynan bastap memlekettik baǵdarlama aıasynda 13 197 qazaqstandyq qonys toıyn atap ótken. Baspana satyp alý úshin olarǵa jalpy somasy 98,2 mlrd teńgeni quraıtyn zaemdar berildi. Qarajattyń 69 paıyzy respýblıkalyq bıýdjetten bólindi, al 31 paıyzy Turǵyn úı qurylys jınaq bankiniń jeke qarajaty boldy.

Aımaq ákimdikteriniń málimetteri boıynsha, osy jyly 14 220 páter paıdalanýǵa beriledi dep josparlanyp otyr.

Baǵdarlama sharttaryna sáıkes, satylatyn úılerdiń 1 sharshy metriniń baǵasy aldyn ala belgilengen: Astana, Almaty, Atyraý jáne Aqtaý qalalarynda 180 000 teńgeden, al basqa aımaqtarda 140 000 teńgeden aspaıdy.

«Nurly jer» boıynsha Turǵyn úı qurylys jınaq banki arqyly baspana alý úshin bankten salym ashyp, oǵan úı baǵasynyń 20%-na teń eń tómengi bastapqy jarna jınaý kerek. Osydan keıin baǵdarlamaǵa qatysýshy azamat mólsherlemesi 5% bolatyn jeńildetilgen zaemnan úmitker atanady.

- Memleket basshysy óziniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda turǵyn úı qurylysy salasynda dúmpý týǵyzyp, onyń damýyna úles qosqan, myńdaǵan qazaqstandyqqa baspanaly bolýǵa múmkindik bergen «Nurly jer» baǵdarlamasyn júzege asyrýdyń tabysyn erekshe atap ótti. Onyń kómegimen jergilikti ákimdikterde úı kezeginde turǵan azamattar, bıýdjet salasynda jumys isteıtin qazaqstandyqtar, tabysy naryqtyq sharttarmen úı satyp alýǵa múmkindik bermeıtin jandar jeńildetilgen baǵamen páter satyp ala alady. Baǵdarlama aıasynda berilgen zaemdardyń ortasha somasy – 7,3 mln teńge. «Nurly jerge» qatysýshylar arasynda eki bólmeli páterler eń úlken suranysqa ıe bolyp otyr, - dep atap ótti Lázzat Ibragımova.

Jalpy alǵanda, Turǵyn úı qurylys jınaq banki jelisi boıynsha jańa nysannan úı satyp alýǵa berilgen barlyq zaemdardyń jartysy osy «Nurly jer» baǵdarlamasy arqyly rásimdelgen.

«Nurly jer» aıasynda salynyp jatqan nysandar týraly aqparatty baspana.kz saıtynan bilýge bolady. Bul portal úı tańdaý yńǵaıly, al satý ashyq, aıqyn bolsyn dep arnaıy jasalǵan. Munda qazaqstandyqtar páter alǵysy keletin qalany tańdap, aımaqta qandaı nysandar salynyp jatqanyn bilip, ótinim qabyldanyp jatqan-jatpaǵanyn anyqtap, unaǵan páterdi tańdap, turǵyn úı satyp alýshylar pýlyna qatysý úshin ótinish bere alady.

Jalpy alǵanda, 2018 jyly Turǵyn úı qurylys jınaq banki 38 295 qazaqstandyqqa baspanaly bolýǵa kómektesti. Qazir 1,3 mln adam bankke senip, aqsha jınap jatyr. Olardyń shotyndaǵy qarajattyń jalpy somasy 624,2 mlrd teńgeni quraıdy. Klıentterge úı alýǵa qajet aqshany jınaýǵa bank qana emes, memleket te kómektesip otyr. Jyl saıyn salymshylar jınaǵan aqshalarynyń 20%-na teń memlekettik syılyqaqy alady. Syılyqaqy depozıttegi jınalǵan aqshanyń 200 aılyq eseptik kórsetkishten (2019 jyly 505 000 teńge) aspaıtyn kólemine beriledi.

2018 jyldyń qorytyndysy boıynsha beriletin memlekettik syılyqaqy osy jyldyń aqpan aıynyń birinshi jartysynda salymshylar shotyna aýdarylady.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar