Atyraý oblystyq Qoǵamdyq densaýlyq saqtaý departamentiniń basshysy Temirbek Musaǵalıev juqpaly aýrýdyń órshýine ýaqytyly ekpe almaý sebep bolyp otyrǵanyn aıtady.
- Aýyrǵandar arasynda bir jasqa tolmaǵan náresteler bar, olar vaksınasııadan ótpegen, medısınalyq kórsetkishter boıynsha ekpe almaǵan jáne ekpe saldyrýdan bas tartqan. Sondyqtan ata-analardy balalarynyń densaýlyqtaryna jaýapkershilikpen qarap, vaksına ınfeksııalyq kontagıozdyq aýrýlardyń aldyn alatynyn eskerte otyryp, ekpeden bas tartpaýǵa shaqyramyz. Vasınasııa qory bizde jetkilikti, turǵylyqty meken-jaıy boıynsha kez kelgen emhanaǵa baryp, tegin ekpe saldyrýǵa bolady, - deıdi Temirbek Musaǵalıev.
О́tken jyldyń qazan aıynda osy másele boıynsha jumys toby qurylǵan. Arnaıy mamandar oblystyń barlyq aýdandaryna baryp, aqparattyq-túsindirme jumystaryn júrgizdi. Osyndaı jumystardyń nátıjesinde buryn bas tartyp kelgen 752 bala qyzylshaǵa qarsy ekpe aldy.
Jalpy elimizde qazir qyzylsha aýrýy boıynsha epıdemıologııalyq jaǵdaı qolaısyz bolyp tur. О́tken jyly Atyraý oblysynda qyzylsha aýrýyn juqtyrǵandar tirkelmegen edi.
Baqytgúl BABASh,
«Egemen Qazaqstan»
ATYRAÝ
