Qazaqstan • 17 Qańtar, 2019

Shymbulaqta frıstaıldan álem kýbogi ótedi

386 retkórsetildi

2-3 naýryz kúnderi frıstaıl-mogýldan álem kýboginiń fınaldyq kezeńi tuńǵysh ret Almatyda ótedi. Elimizde alǵash uıymdastyrylatyn dodaǵa álemdik frıstaıl úzdikteri tegis jınalmaq. «Shymbulaq» taý-shańǵy kesheninde ótetin jarys qazaqstandyq sportshylar úshin de mańyzdy bolary sózsiz. Bul týraly Ulttyq olımpıada komıtetiniń baspasóz qyzmeti habarlady. 

Almatydaǵy álem kýbogi kezeńine daıyndyq jumystarynyń qalaı ótip jatqanyn Qazaqstan shańǵy sporty túrleri Qaýymdastyǵynyń Bas hatshysy Asqar Valıev túsindirdi. 

- Almatyda frıstaıldan iri kólemdegi jarys alǵash ret ótkeli otyr. Sondyqtan, bizdiń sportshylarǵa da, uıymdastyrýshylarǵa da artylǵan júk jeńil emes. Qazirgi sátte álem kýbogi kezeńine tolyqqandy daıyndyq júrip jatyr. Assosasııa jarysty uıymdastyrý maqsatynda úlken sharýa tyndyrýda. Halyqaralyq shańǵy sporty túrleri federasııasy (FIS) «Shymbulaq» taý-shańǵy keshenindegi trassany tekserip ketti. Búginde trassany jarysqa daıyndaý úshin jasandy qar óndirilip jatyr. Qajetti mamandar da jumysqa tartylýda, - deıdi Bas hatshy. 

Qaýymdastyq Bas hatshysynyń aıtýynsha, Almatydaǵy álemdik synǵa qatysý úshin Qytaı, Ońtústik Koreıa, Fınlıandııa, Japonııa syndy memleketter ótinim berip úlgergen. 20 aqpanǵa deıin qatysýshy elder sany kóbeıip, 15-18 komandanyń jınalary anyq. 

- Almatyda álem kýbogi kezeńiniń bıylǵy maýsymyna núkte qoıylady. Sol sebepti, toptan qara úzip shyǵatyn myqtylardyń bári de osynda bas qosady. Almatyǵa frıstaıldan 2018 jylǵy Phenchhan Olımpıadasynyń chempıondary Mıkael Kınsberı (Kanada) men Perrın Lafon (Fransııa), 2017 jylǵy álem chempıondary Ikýma Horısıma (Japonııa) men Brıttanı Koks (Avstralııa) jáne mogýl sportyndaǵy ózge de tanymal sportshylar taban tireıdi. Úzdikter qataryna bizdiń mogýlshylar da enetinin umytpaý kerek. Iýlııa Galysheva Kalgarıde top jaryp, myqtylar tobyna endi. Erlerimizdiń de kórsetkishi jaman emes. Olar óz jankúıerleriniń aldynda aıanyp qalmaıdy dep oılaımyn. Sondaı-aq, Almatyda álem kýboginiń jalpy esebinde top jarǵan sportshylar FIS daıyndaǵan úlken jáne kishi hrýstal globýstar tabystalmaq, - deıdi Asqar Valıev. 

Eske sala keteıik, Olımpıada oıyndarynyń qola júldegeri Iýlııa Galysheva álem kýbogi kezeńiniń jalpy esebinde úzdik úshtikte tur. Ol fransııalyq Perrın Lafonǵa ǵana ese jibergen. Dmıtrıı Reıherd úzdik bestik qataryna kirse, Pavel Kolmakov jıyrmalyqqa endi. 

- Komanda músheleri halyqaralyq kúntizbege sáıkes álem kýbogi kezeńderine qatysýda. Bul kúnderi sportshylarymyz 17-18 qańtar kúni Leık-Plesıdte ótetin álem kýbogi kezeńine qatysý úshin AQSh-ta júr. 27 qańtar kúni Kanadanyń Tremblan qalasynda álem kýboginiń taǵy bir kezeńi ótedi. 1-10 aqpan aralyǵynda AQSh-tyń Park-Sıtı qalasynda frıstaıl men snoýdbordtan álem chempıonaty uıymdastyrylady. 23-24 aqpan kúnderi Japonııanyń Tazavako qalasynda álem kýbogi kezeńi josparlanǵan. Mine, naýryz aıynda Almatyda ótetin dodaǵa daıyndyq maqsatynda komanda músheleri atalǵan jarystar tizbegine mindetti túrde qatysady, - deıdi Bas hatshy. 

Jarys demalys kúnderine josparlanǵandyqtan, «Shymbulaq» kesheninde demalyp júrgen turǵyndardyń da álemdik syndy tamashalaý múmkindigi bar ekenin eskertemiz. 

Sońǵy jańalyqtar

Sheteldik kólikti tirkeý kerek

Saıasat • Búgin, 07:25

Jańa ekonomıkalyq baǵyt qajet

Prezıdent • Búgin, 07:18

Sıfrlandyrý qadamdary artyp keledi

Tehnologııa • Keshe

Almaty mańynda jer silkindi

Qazaqstan • Keshe

Elbasy Túrkııa halqyna kóńil aıtty

Qazaqstan • 25 Qańtar, 2020

Elektiń sory – alty valentti hrom

Ekologııa • 25 Qańtar, 2020

BQO polısııasy 440 otbasyn tekserdi

Aımaqtar • 25 Qańtar, 2020

Elimizdiń birneshe óńirinde tas joldar jabyq

Qazaqstan • 25 Qańtar, 2020

Túrkııada jer silkinisi boldy

Álem • 25 Qańtar, 2020

Qyzylorda: Qazalydaǵy qonys toı

Aımaqtar • 25 Qańtar, 2020

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Uqsas jańalyqtar