Otyrystyń taqyryby - «Qazaqstan Respýblıkasy Prezıdenti N.Á.Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýy aıasynda alǵashqy medısınalyq sanıtarlyq kómek qyzmetiniń qoljetimdiligi men sapasyn arttyrý týraly (syrqatty basqarýdaǵy jańa ádister engizý)».
Fraksııa jetekshisi Gúlmıra Isımbaeva óziniń kirispe sózinde partııa Tóraǵasy N.Á.Nazarbaev tórtinshi sessııanyń ashylýynda jáne de jyl saıynǵy Joldaýynda alqashqy medısınalyq sanıtarlyq kómekke (AMSK) qoljetimdilikti, ásirese, aýyldyq jerlerde ári qaraı arttyrý boıynsha aıqyn jáne naqty tapsyrmalar bergenin atap ótti.
Vıse-spıker zań shyǵarýshylardyń jáne úkimettiń osy baǵytta birqatar jumys atqarǵanyn da tilge tıek etti. Densaýlyq saqtaý máseleleri týraly zań qabyldanyp, onda tegin medısınalyq kómektiń kepildendirilgen kóleminiń jańa modeli zańnamalyq turǵydan bekitildi. AMSK-ny qarjylandyrý kólemi ulǵaıýda. Endi alǵashqy medısınalyq qyzmetterdiń qajetti kólemimen elimizdiń barlyq turǵyndaryn tolyqqandy qamtamasyz etip, teń qoljetimdi bolýy úshin uıymdastyrýshylyq, ekonomıkalyq jáne praktıkalyq sharalar kesheni qajet.
Gúlmıra Isımbaeva búgingi tańda 1900-den asa aýyldyq eldi meken alǵashqy medısınalyq sanıtarlyq kómekpen tolyq qamtylmaǵanyna erekshe nazar aýdardy. Budan basqa, 37 aýyldyq eldi mekende jaqyn mańdaǵy medısınalyq pýnktke deıingi araqashyqtyq 30-dan 180 kılometrge deıin, al belgilengeni - 5 shaqyrym. Osyǵan baılanysty fraksııa jetekshisi medısınalyq uıymdar júıesin damytýdyń ınfraqurylymdyq josparyn ázirleýdi usyndy.
Sonymen qatar, vıse-spıkerdiń aıtýynsha, densaýlyq saqtaý uıymdary júıeleriniń normatıvterin qaıta qarap, aýyldaǵy turǵyndar sany ǵana emes, eldi mekenderdiń bir-birinen alshaqtyǵy, geografııalyq jáne tabıǵı-klımattyq faktorlary eskerilý qajet.
Sonda ǵana barlyq turǵyndarǵa medısınalyq kómek qyzmetterine teń qoljetimdilikti qamtamasyz ete alatyndyǵyn aıtqan Gúlmıra Isımbaeva medısınalyq uıymdar júıesin damytýdyń ınfraqurylymdyq josparyn pysyqtaý qajettigine toqtaldy.
Jınalysta alǵashqy medısınalyq sanıtarlyq kómek sapasyn jaqsartý boıynsha qabyldanyp jatqan sharalar týraly Densaýlyq saqtaý vıse-mınıstri Lıazzat Aqtaeva baıandady.
Otyrys barysynda depýtattar - fraksııa músheleri Záýresh Amanjolova, Quralaı Qaraken, Gúlnar Bıjanova, Murat Temirjanov, Irına Ýnjakova, Káribaı Musyrman, Nurtaı Sabılıanov, Abaı Tasbolatov, Omarhan О́ksikbaev alǵashqy medısınalyq sanıtarlyq kómek júıesin ári qaraı jetildirý boıynsha naqty usynystar engizdi. Atap aıtqanda, densaýlyq saqtaý uıymdary júıeleriniń normatıvterin geografııalyq jáne tabıǵı-klımattyq faktorlaryn eskere otyryp qaıta qaraýdy, AMSK sheńberinde medısınalyq qyzmetterdiń ońtaıly tizimin qabyldaýdy, densaýlyq saqtaý obektileriniń biryńǵaı kartasyn pysyqtaýdy, avtomobıl joldaryn densaýlyq saqtaý obektilerine ıkemdep salýdy, aýyldyq jerlerde jedel járdem avtomobılderdi jańartý boıynsha sharalar qabyldaýdy usyndy.
Is-shara qorytyndysy boıynsha alǵashqy medısınalyq sanıtarlyq kómek qyzmetiniń sapasyn arttyrý men qoljetimdiligin ýaqytyly qamtamasyz etýge baılanysty birqatar mınıstrlik pen jergilikti atqarýshy organǵa usynymdar tapsyrylǵan fraksııa qaýlysy qabyldandy.
