Osy eseptik kezdesýlerde jıi kóteriletin máselelerdi saralaı kele Shymkent aýyz sýǵa zárý, jaryǵy jıi sónetin, qoǵamdyq kólik durys qatynamaıtyn, ortalyqtan tys jerlerdegi joldary batpaq qala eken degen oıǵa qalasyz. Eseptik kezdesýlerde turǵyndar ákimderdiń jumysyna kóńili tolmaıtynyn bildirýde.
«Sizdiń atqarǵan jumystaryńyzǵa 283, 282 kvartaldaǵy halyqtyń atynan qoıar baǵam óte tómen. О́ıtkeni, bizdiń kvartalda ishetin sý joq. Kádimgi ishetin aýyz sý joq. Adam degen kúnine 3 lıtr sý ishý kerek. Osy máselege baılanysty biz kórshilermen birge qala ákiminiń atyna, sizge de birneshe ret aryz jazdyq. Eshqandaı nátıje joq. Odan keıin sizderge arnaıy usynys hat jazdym. «Esh bolmasa vodovoz kóligin júrgizińiz nemese kolonka qoıyp berińiz» dep. Ony da sheshe almadyńyz. Áli kúnge jekemenshik transformatorǵa kúnimiz qarap otyr. Jaryq jıi sónedi. О́rt shyǵyp, bir úı otqa oranǵanda órt sóndirýshi kólik saz-balshyq joldan óte almady. Sebebi, jolǵa tóselgen tastyń eni – 3 metr. Ol jerge órt sóndirýshi kóligi syımaıdy», - dedi Abaı aýdanynyń ákimi Buharbaı Parmanovtyń esebi kezinde sóz alǵan kvartal turǵyndarynyń tóraǵasy, qoǵam belsendisi Arman Alpysov.
Shymkent qalalyq Energetıka jáne kommýnaldyq sharýashylyq basqarmasy basshysynyń orynbasary Nurlan Jamankózdiń qala turǵyny kótergen máseleler boıynsha bergen jaýaby kópshilikti qanaǵattandyrmady. Al aýdan ákimi basqarma ókiline qarata: «Biz protokolǵa engizip, qarjy bóldirtip, mindetti túrde sýdy tasymaldaýdy qamtamasyz etýimiz kerek. Demeýshiler bir ret, eki ret tasıdy, boldy, odan ary tasymaıdy. Bul kisiler ár jerden jaǵymsyz sý iship jatyr. Erteńgi kúni aýrý tarap ketse, biz tikeleı jaýapty bolamyz. Siz aıtyp jatyrsyz, bıýdjetten qarjy qaralmaı jatyr, múmkinshilik joq dep. Meniń de múmkinshiligim joq. Ne isteýimiz kerek? Durys kózqaraspen qarańyz. Mekemeler bar bizde... Bir-eki avtokólik tabaıyn. Biraq, jyl on eki aı qamtamasyz ete almaımyn ǵoı. Siz bizge járdem berińiz», - dep usynysy men ótinishin bildirdi. Osylaısha, halyq ákim B.Parmanovtan, al ol basqarmadan kómek surady.
Shymkent qalasy Qarataý aýdanyndaǵy jıynda da eldi mekenderde jylý, jaryq, aýyz sý, jol salasynda problema kóp ekendigi aıtyldy. Saıram turǵyn alabynan saılanǵan máslıhat depýtaty Qusan Ahmethanovtyń aıtýynsha, aýyz sý máselesi 11 jyl boıy kóterilip keledi eken. «Úsh ret respýblıkalyq bıýdjetten 3 mıllıard teńgeden artyq qarjy jumsaldy. Biraq, búginge deıin birde-bir eldi mekende táýligine 24 saǵat sý berilmeıdi. Káriz júıesiniń jumysy da nashar. Aryq, kanaldardy tazartýdy kún tártibine qoısańyzdar», - dedi depýtat.
Bul oraıda aýdan ákimi Isamýddın Qantóreev aýyz sý máselesi boıynsha «Evroservıs» JShS mekemesi jumys istep jatqanyn alǵa tartyp, keler jyldyń sońyna deıin 3000 abonentke aýyz sý berýge ýáde etti. Qala turǵyny Qýanysh Ábdirahmanovtyń shaǵymyna qaraǵanda, Saıram aýyldyq okrýgindegi 58 transformatordyń jartysy jekemenshiktiń qolynda. Jaryq kúnine 3-4 ret sónedi. Sondaı-aq Saıram, О́temis, Shapyrashty eldi mekenderiniń Mádenıet úıleri kúrdeli jóndeý júrgizýdi qajet etedi. Al Qyzylsý, Mártóbe, О́temis syndy eldi mekenderge ortalyqtan qoǵamdyq kólik az qatynaıdy.
Iá, biz turǵyndar eseptik kezdesýlerde kótergen máselelerdiń birqataryn ǵana keltirdik. Degenmen, respýblıkalyq mańyzǵa ıe bolǵan úshinshi megapolıstegi áleýmettik máselelerdiń basym bóligi qalaǵa irgedegi aýdandardan qosylǵan eldi mekenderde ekenin aıta ketelik.
Aıtpaqshy, esep bergen kúnniń erteńine Abaı aýdanynyń ákimi B.Parmanov kvartaldaǵy turǵyndarǵa arnap «vodovozben» sý jibergen eken. Alaıda sý tasıtyn kólik kvartaldyń batpaq kóshelerine tyǵylyp, dittegen jerine jete almaı qalǵan.
Ǵalymjan ELShIBAI,
«Egemen Qazaqstan»
Shymkent
