Kezdesý barysynda Qazaqstan Respýblıkasynyń 2017-2021 jyldarǵa arnalǵan Agroónerkásiptik keshenin damytý memlekettik baǵdarlamasyn iske asyrý aıasynda yntymaqtastyqty kúsheıtý máseleleri qarastyryldy.
Memleket basshysynyń jyl saıynǵy Joldaýynda qoıǵan strategııalyq maqsattaryn iske asyrý maqsatynda, eń aldymen agroónerkásiptik keshendegi eńbek ónimdiligin jáne eksporttyq óńdelgen aýylsharýashylyq ónimderin kem degende 2,5 esege arttyrý maqsatynda, Syrtqy ister mınıstrligi men Aýyl sharýashylyq mınıstrligi arasyndaǵy Qazaqstannyń agroónerkásiptik keshenine sheteldik ınvestısııalardy tartý jáne 2020 jylǵa deıin saýda-sattyqty damytý boıynsha Birlesken is-qımyl josparyn júzege asyrý týraly másele qaraldy. Osy jospar egjeı-tegjeıli qaralǵannan keıin Qazaqstan Respýblıkasy Syrtqy ister mınıstrliginiń ınvestısııalyq jáne eksporttyq baǵyttaǵy qyzmetin kúsheıtýge baılanysty is-sharalardy jańartý týraly sheshim qabyldandy.
Agroónerkásiptik keshende, atap aıtqanda, ósimdik sharýashylyǵy, aýylsharýashylyq tehnıkasy men jabdyqtaryn jınaý, sondaı-aq sút jáne et ónimderin óndirý jáne qaıta óńdeýdi damytý úshin iri transulttyq korporasııalardy tartýǵa qatysty ınvestısııalyq jobalardy iske asyrýǵa erekshe nazar aýdaryldy.
Mınıstrliktiń basshylary halyqaralyq uıymdarmen, atap aıtqanda BUU-nyń Azyq-túlik jáne aýylsharýashylyq uıymymen (FAO), Azyq-túlik qaýipsizdigin qamtamasyz etý jónindegi Islam uıymymen, Ekonomıkalyq yntymaqtastyq jáne damý uıymymen jáne basqalarmen aýyl sharýashylyǵynda tereń ózara is-qımyldyń mańyzdylyǵyn atap ótti.
Sonymen qatar, vedomstvo basshylary agrarlyq máseleler boıynsha, atap aıtqanda, elimizdiń AО́K ónimderin syrtqy naryqtarda ilgeriletý boıynsha otandyq fermerlerge eksporttyq qyzyǵýshylyq týdyratyn Qazaqstannyń shet elderdegi mekemeleriniń dıplomattary úshin trenıngter uıymdastyrý týraly kelisimge qol jetkizildi.
Aýyl sharýashylyǵy ónimderi eksportyna aqparattyq qoldaý kórsetýdi joǵarylatý qajettiligi, sheteldik BAQ úshin press-týrlar jáne qazaqstandyq AО́K boıynsha aqparattyq kampanııalar uıymdastyrý máseleleri atap ótildi.
SIM men AShM qazaqstandyq aýyl sharýashylyǵy ónimderin eksporttaýdy yntalandyrý jáne Qazaqstannyń agroónerkásip sektoryna ınvestısııa tartý boıynsha yntymaqtastyqty keńeıtý maqsatynda osyndaı kezdesýlerdi únemi ótkizý tájirıbesin engizýdi nıettenýde.
