Bir táýlik ishinde Shymkent qalasynyń Polısııa departamenti Kóshi-qon qyzmeti basqarmasynyń qyzmetkerleri Qazaqstan Respýblıkasynyń Kóshi-qon zańnamasyna qatysty 32 buzýshylyqty anyqtaǵan. Olardyń ishinde 27 sheteldik jáne 5 Qazaqstan azamaty bar.
15 quqyq buzýshylyq áreketke eskertý berilip, zańdy belden basqan 8 azamatqa ákimshilik aıyppul salyndy. Sondaı-aq 9 sheteldik ákimshilik qamaýǵa alyndy jáne sot sheshimi boıynsha 2 kisi elden shyǵaryldy.
Jedel reıdtik shara barysynda qalalyq Polısııa departamentiniń qabyldaý-taratý ornyna jeke basyn kýálandyratyn qujattary joq 22 adam qamaýǵa alyndy.
Sheteldik azamattardy zańsyz turǵyn úımen qamtamasyz etetin 4 azamat jáne QR ÁQBtK-niń 519-baby men QR ÁQBtK-niń 449-babynyń 3-bóligin buzǵan shet memlekettiń 1 azamaty anyqtaldy.
Esterińizge salar bolsaq, «MIGRANT» jedel profılaktıkalyq is sharasy 20 qańtarǵa deıin jalǵasady.
