Kondýktorsyz jobany qala ákimdigi men Beeline Qazaqstan kompanııasy jáne «SMSBUS» JShS birlesip júzege asyrady.
«SMSBUS» jobasy qala ishindegi №141, 147, 147 «A», 148 jáne 148 «B» baǵyttarda pılottyq júıede engizilgen. Aldaǵy ýaqytta qoǵamdyq kóliktegi elektrondy bılet jobasyn barlyq baǵyttarda engizý josparlanyp otyr» deıdi Shymkent qalalyq jolaýshylar kóligi jáne avtokólik joldary basqarmasynyń basshysy Qýatjan Jumataev.
Salalyq basqarma basshysynyń aıtýynsha, ár avtobýsta biregeı kod týraly aqparat jazylǵan. Jolaqysyn tóleý úshin osy kodty 2505 qysqa nómirine SMS arqyly jiberý kerek. Oǵan jaýap retinde jolaýshyǵa SMS-túbirtek jáne elektrondy bılet keledi. Al QR-kod arqyly tóleý úshin smartfonnan «Moı Beeline» qosymshasyn ashyp, avtobýstyń QR-kodyn skanerleý qajet. Jaýap retinde jolaýshy túbirtek jáne elektrondy bılet ala alady.
«Qaladaǵy ınfraqurylymdy damytý úshin biz turǵyndarǵa jolaqysyn tóleýdiń ońaı ári tıimdi ádisin usynyp otyrmyz. Bul júıeni qoldaný úshin jolaýshy Beeline abonenti jáne onda smartfon bolýy tıis. Bul joba qazirgi tańda 8 qalada sátti júzege asyrylyp jatyr. Jolaýshylar jańa ádisti jaqsy baǵalap, jappaı qoldanysqa endiretinine senimdimin» deıdi Beeline Qazaqstan kompanııasynyń sıfrlyq bıznes boıynsha bas dırektory Oleg Aldoshın.
Alaıda bul qyzmet túrimen tek Shymkent qalasy aýmaǵynda jolaqy tólenedi.Atalǵan ádis Beeline operatorynyń avansty eseptegi klıentterine ǵana qoljetimdi.
