Jıynda Shymkent qalasy boıynsha Memlekettik kirister departamentiniń basshysy Nuralhan Kósherov 2018 jyldyń qorytyndysymen jáne salyq salý bazasyn ulǵaıtý máseleleri boıynsha baıandama jasady. Departament basshysynyń aıtýynsha, ótken jylǵa salyqtyq tólemder boıynsha bekitilgen jospar 73 mlrd teńge bolsa, naqty 78 mlrd teńge túsken. 2017 jylmen salystyrǵanda túsimder 9,7 mlrd teńge artyǵymen túsken.
Keleli kezdesýde kóleńkeli ekonomıkamen kúresip, salyq túsimin arttyrý, barlyq kásipkerlerdiń jaldamaly jumysshylaryn tirketip, olardyń tabystaryn shynaıylyqqa keltirý máselesi áńgime boldy. Sondaı-aq jaldamaly jumysshylary úshin tólenetin áleýmettik, jeke tabys salyqtaryn ulǵaıtý, kásipkerlik maqsatta paıdalanyp otyrǵan nysandardyń baǵalaý qundaryna qaıta baǵalaý jumystaryn uıymdastyryp, múlik salyǵynyń túsimin arttyrýǵa basa nazar aýdaryldy.
Qazirgi tańda qalada 68 myńnan astam shaǵyn jáne orta bıznes sýbektisi bar. Osy kásipkerlik sýbektilerinen 2018 jylǵa memlekettik bıýdjetke 22,6 mlrd tg túsken nemese jalpy túsimniń kórsetkishi – 15,8 paıyz ǵana bolǵan. Sondaı-aq, múlik salyǵynan jaltarý úshin kásipkerlik maqsatta paıdalanatyn ǵımarattardyń quny aıtarlyqtaı az kórsetilgen. Osy oraıda Departament basshysy kásipkerlerdi bir aı merzim ishinde naqty tabystaryn kórsetip, qosymsha salyq eseptilikterin tapsyrýǵa úndedi.
О́z kezeginde shahar basshysy Ǵabıdolla Ábdirahymov salyqtar men memlekettik bıýdjetke tólenetin mindetti tólemderdiń ýaqytyly túsimi memlekettiń ekonomıkalyq damýyn, halyqtyń áleýmettik jaǵdaıyn jáne qaýipsizdikti qamtamasyz etetinin tilge tıek etti.
Jıynnyń sońynda qala ákimi májiliste aıtylǵan máseleler birlesken jaǵdaıda sheshimin tabatynyn eske salyp, ýákiletti organdarǵa naqty tapsyrmalar berdi.
Nurshat TО́KEN,
«Egemen Qazaqstan»
