Boks • 18 Qańtar, 2019

Jan Kosobýskııdiń qarsylasy anyqtaldy

199 retkórsetildi

Qazaqstandyq kásipqoı boksshy Jan Kosobýskııdiń qarsylasy anyqtaldy. О́z jekpe-jegin ol 29 qańtarda Belarýs eliniń astanasy – Mınsk qalasynda ótkizedi.

30 jastaǵy Arqalyq qalasynyń týmasy áýesqoılar arasynda da táýir judyryqtasqan edi. 91 kılo jáne +91 kılo salmaq dárejelerinde Qazaqstannyń úsh dúrkin chempıony atanyp, Dúnıejúzilik Ýnıversıadada kúmis medaldi ıelendi. Kezinde Kosobýskıı óziniń áıgili otandasy Vasılıı Levıt jáne London Olımpıadasynyń qola júldegeri, álemniń úsh dúrkin chempıony Magomedrasýl Medjıdovty utqanyn jankúıerler umyta qoıǵan joq.

2017 jyldan beri Jan kásipqoı rıngte kúsh synasyp júr. Sol aralyqta segiz kezdesý ótkizip, barlyǵynda jeńiske jetti. Jeti qarsylasyn nokaýtqa jiberdi. Sońǵy ret ol byltyrǵy jyldyń 29 qarashasynda dál osy Mınsk qalasynda jergilikti boksshy Aleksandr Nehaıchıkti ekinshi raýndta tehnıkalyq nokaýtpen utty.  

29 qańtarda Jan Kosobýskıı Bosnıı men Gersegovınanyń boksshysy Srdjan Govedarısamen judyryqtasady. Ol 29 jasta. Qart qurlyqtyń ókili de áli jeńilip kórgen joq. Govedarısa osy kúnge deıin alty ret rıngke kóterilip, bes qarsylasyn esinen tandyrdy.  

Ǵalym SÚLEIMEN,

«Egemen Qazaqstan»

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar