Oblys ákiminiń birinshi orynbasary Serik Shapkenov quttyqtaý sózinde eskertkishtiń ashylýy munaıly aımaqtyń qoǵamdyq jáne mádenı ómirindegi mańyzdy oqıǵa ekenin atap ótti.
- Joba Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy aıasynda júzege asyryldy. Qazaqstan halqy tarıhtaǵy eń kúrdeli kezeńde qazaqtardy biriktirýde sheshýshi ról atqaryp, olardy eldiń erkindigi men táýelsizdigi úshin kúresken uly bıleri - Tóle, Qazybek jáne Áıtekeni eske alady. Bul - urpaqtar sabaqtastyǵy, dástúrlerdiń jalǵasy. Eskertkish oblystyq sot ǵımaratynyń janynda kezdeısoq ornatylmaǵan, bul qazaq halqynyń danalyǵy, ádildigi men abyroıynyń sımvoly, - deıdi Serik Shapkenov.
Aıta keteıik, eskertkishtiń bıiktigi 4 metr, qoladan jasalǵan jáne mármár tuǵyrda ornalasqan. Eskertkishtiń avtory - ataqty qazaqstandyq músinshi Baqytbek Muhametjanov.
Baqytgúl BABASh,
«Egemen Qazaqstan»
Atyraý
