Saltanatty sharaǵa qatysqan oblys ákimi Berdibek Saparbaev Elbasy kitaphanasynyń basshylyǵyna jobany óńirde júzege asyrǵandary úshin alǵys aıtty.
«Árbir halyq, ásirese, bizdiń patrıotızm rýhynda, otansúıgishtikke tárbıeleıtin óskeleń urpaǵymyz óz eliniń tarıhyn, qalaı qurylǵanyn, damyǵanyn, qurylý jolynda qandaı qıyndyqtar bolǵanyn bilýi tıis. Kórmeni úsh aı ishinde 120 myńnan astam adam tamashalady. Aqtóbelik jastar barynsha aqparat aldy. Men Prezıdenttiń ómir joly olar úshin ómir boıy úlgi ári baǵdar bolaryna senimdimin. Biz elimizben, Elbasymyzben maqtanýymyz kerek. Onyń dana saıasatynyń arqasynda Qazaqstan álemdik qoǵamdastyqta laıyqty ornyn aldy» dedi óńir basshysy.
Kórmede QR Tuńǵysh Prezıdenti - Elbasy kitaphanasynyń muraǵat, kitap, murajaı qorlarynan alynǵan barlyǵy myńnan astam jádiger, qujattar, foto jáne beınematerıaldar tórt taqyryptyq bólimge bólinip, usynyldy.
«Elbasy joly» bóliminde QR Tuńǵysh Prezıdenti ómirbaıanynyń kezeńderi týraly baıandalǵan. «Elbasy fenomeni» bólimi táýelsiz Qazaqstandy qurǵan N.Á.Nazarbaevtyń memlekettik qurylys tujyrymdamasynyń qalyptasýy men damý tarıhyn keńinen kórsetedi. «Álem tanyǵan Elbasy» bóliminde uıymdastyrýshylar eldiń qarqyndy syrtqy saıasatyn kórsetken. Sonymen birge, «Elbasy mártebesi – el mártebesi» taraýynda N.Á.Nazarbaevtyń joǵary memlekettik nagradalarynyń biregeı jınaqtary qalyń jurtshylyqqa alǵash ret kórsetildi.
Kórme ekspozısııasynyń negizinde sholý ekskýrsııalarynan basqa «Tarıhı tańdaý», «Atameken», «Elbasy mártebesi – el mártebesi» taqyryptyq kórmeleri de ótti.
Aıta keteıik, qor kórmesi «N.Nazarbaev: dáýir, tulǵa, qoǵam» QR Tuńǵysh Prezıdenti - Elbasy kitaphanasynyń kóshpeli qor jobasynyń basty oqıǵasy. Aqtóbe oblysynda bul joba aıasynda, sondaı-aq, aýqymdy ǵylymı-bilim berý jáne mádenı-aǵartý sharalary men kóshpeli ekskýrsııalar ótti.
Joba óz jumysyn Qyzylorda oblysynda jalǵastyrady.
